15:53, 11 - قاراشا 2015 | GMT +5
قازاقستاننىڭ ىشكى رەيستەردەگى اۆيابيلەتىنڭ باعاسى كوتەرىلدى مە؟
استانا. قازاقپارات - «Air Astana» ۇلتتىق اۋە كومپانياسى ىشكى رەيستەردىڭ بيلەت باعاسىن كوتەرۋدى جوسپارلاپ وتىرعان جوق.
بۇل تۋرالى «Air Astana» كومپانياسىنىڭ كورپوراتيۆتىك كوممۋنيكاتسيالار بويىنشا ۆيسە-پرەزيدەنتى بەللا تورمىشەۆا ءمالىم ەتتى.
«ءبىزدىڭ بارلىق باعالارىمىز ۆاليۋتاعا بايلانعان. ونى ءبىزدىڭ سايتتان كورە الاسىزدار. ال تاريفتەر بۇرىنعى دەڭگەيدە قالا بەرەدى. زەينەتكەرلەرگە، ستۋدەنتتەرگە ارنالعان جەڭىلدىكتەر بار. ىشكى رەيستەردىڭ بيلەت قۇنى وزگەرمەيدى»، - دەيدى ول.
تىلشىلەردىڭ حالىقارالىق رەيستەردىڭ بيلەت باعاسىنا قاتىستى قويعان سۇراعىنا ب. تورمىشەۆا: «ولاردىڭ قۇنى 25 پايىزعا كوتەرىلگەنىن بىلەسىزدەر. قازىرگى ۋاقىتتا ولاردى قايتا جوعارىلاتۋ جوسپارلانىپ وتىرعان جوق»، - دەپ جاۋاپ قايىردى.
اۆتور: جاسۇلان جولدىبايەۆ
