قازاقستان مەن قىتاي تۋريستىك سالادا ىنتىماقتاستىقتى جانداندىرا تۇسپەك - فوتو

 بەيجىڭ. قازاقپارات - بۇگىن بەيجىڭدە ق ر سىرتقى ىستەر ءمينيسترىنىڭ ورىنباسارى اسقار مۋسين مەن ق ح ر مەملەكەتتىك تۋريزم باسقارماسىنىڭ باسشىسى لي شيحۋن تۋريستىك سالاداعى ەكى ەلدىڭ پراكتيكالىق ىنتىماقتاستىعىن جانداندىرۋ ماسەلەلەرىن تالقىلادى.

 بۇل تۋرالى «قازاقپاراتتىڭ» قىتايداعى ءتىلشىسى سادىق اكەجانوۆ حابارلايدى.

ا. مۋسينوۆ پەن لي شيحۋن ەكى جاقتى تۋريزمدى جىلجىتۋ بويىنشا وسى سالادا ەكىجاقتى جۇمىس توبىن قۇرۋ، قىتايلىق تۋريستەردىڭ توپتىق ساپارلارىن رەسىمدەۋ، ەكى ەلدىڭ تۋروپەراتورلارى اراسىنداعى بايلانىستاردى رەتتەۋگە جاردەمدەسۋ، قىتايلىق تۋريستەر ءۇشىن ق ر- داعى تۋريستىك مارشرۋتتاردى دامىتۋ، قىتايلىق گيدتەردى دايىنداۋ، قوناقۇيلەرگە قىتاي ءتىلدى تەلەارنالار قوسۋ، ق ح ر ازاماتتارى تۋريستىك قىزمەتتى قىتايدىڭ بانك كارتوچكالارىمەن تولەۋ مۇمكىندىگى جانە ت. ب سياقتى پراكتيكالىق شارالاردى قارادى.

ق ر سىرتقى ىستەر ءمينيسترىنىڭ ورىنباسارى ا. مۋسينوۆ قىتايدىڭ باسقا ەلدەرمەن قاتىناستارى تاريحتا العاش رەت قىتايدان قازاقستانعا وندىرىستىك قۋاتتاردى اۋىستىرۋ باعدارلاماسىمەن جۇزەگە اسىرىلىپ جاتقانىن اتاپ ءوتتى. ەكى ەلدىڭ باسشىلىعى مەن ۇكىمەتتەرىنىڭ قارقىندى جۇمىسىنىڭ ناتيجەسىندە جالپى سوماسى 50 ميلليارد استام دوللارعا ەكىجاقتى شارتتارعا قول قويىلدى.

 تاراپتار قازاقستان مەن ق ح ر شىنجاڭ- ۇيعىر اۆتونوميالىق ولكەسى اراسىنداعى شەكارالاس ىنتىماقتاستىقتى دامىتۋ ماسەلەلەرىن قوزعادى. قىتايلىق دەلەگاتسيا قۇرامىنداعى كەلىسسوزگە شىنجاڭ- ۇيعىر اۆتونوميالىق ولكەسى ق پ ك تۇراقتى كوميتەتىنىڭ مۇشەسى عانيبەت سابكەي ۇلى قاتىستى.