12:43, 10 - قاراشا 2015 | GMT +5
باتىس قازاقستاندىق بي ءانسامبلى حالىقارالىق بايقاۋدىڭ باس جۇلدەسىن يەلەندى - فوتو
ورال. قازاقپارات - بوكەي ورداسى اۋدانىنىڭ «وردا گۇلدەرى» ۇلگىلى ءبي انسامبلى (جەتەكشىسى ساۋلە سۇندەتوۆا) شىمكەنت قالاسىندا بۇلدىرشىندەر مەن جاسوسپىرىمدەر اراسىندا وتكەن 1- حالىقارالىق «دارىن - 2015» شىعارماشىلىق بايقاۋىنىڭ باس جۇلدەسىن جەڭىپ الدى.
اۋداندىق مادەنيەت، تىلدەردى دامىتۋ جانە سپورت ءبولىمىنىڭ باسشىسى الىبەك ايتقاليەۆتىڭ ايتۋىنشا، اتالمىش سايىسقا ا ق ش، ءۇندىستان، وزبەكستان سىندى ەلدەردەن ءتۇرلى ونەر جانرلارى بويىنشا جاس ورەندەر قاتىسىپ، باق سىنادى.
بۇعان دەيىن دە تالاي ساحنادا ونەر كورسەتىپ، «ۇلگىلى» اتاعىن يەلەنگەن «وردا گۇلدەرى» ءبي انسامبلى حورەوگرافيا جانرىنان ۇزدىك شىقسا، اۋدان ورتالىعى سايقىن اۋىلىنداعى م. -س. باباجانوۆ اتىنداعى ورتا مەكتەپتىڭ 7-سىنىپ وقۋشىسى جانسايا ءامىرجان ۆوكالدان ەكىنشى ورىندى ەنشىلەدى. بايقاۋ لاۋرەاتتارى العىسحاتتارمەن، ارنايى سىيلىقتارمەن ماراپاتتالدى.
