ساپاربايەۆ ۇلى ابايعا ەسكەرتكىش قويماعان ۇندىلەردىڭ ۋادەسىن بەتىنە باستى
اقتوبەگە جۇمىس ساپارىمەن كەلگەن ءۇندىستاننىڭ قازاقستانداعى ەلشىسى حارش كۋمار دجاين وبلىس اكىمى بەردىبەك ساپاربايەۆپەن كەزدەستى. ەلشىنىڭ اقتوبەگە ءبىرىنشى رەت كەلۋى. اكىم بۇرىنعى ەلشىنىڭ دەليدە ابايعا ەسكەرتكىش قويىلادى دەپ وتكەن جىلى ايتقان ۋادەسىنىڭ ءالى كۇنگە ورىندالماي وتىرعانىن ەسكە سالدى.
وسكەمەندە ۇندىلىك اقىن رابيندرانات تاگور ەسكەرتكىشى بار. قازىرگى ەلشى حارش كۋمار دجاين دا ەسكەرتكىشتى قولعا الام دەپ ۋادە بەرىپ كەتتى. ول ورىندالسا، دەلي قالاسىندا اباي ەسكەرتكىشى بوي كوتەرمەك.
كەزدەسۋ كەزىندە بەردىبەك ماشبەك ۇلى اقتوبە وبلىسى مەن ءۇندىستان اراسىنداعى سىرتقى ساۋدا اينالىمى قاڭتار-تامىز ايىندا 2,8 ميلليون ا ق ش دوللارىن قۇراعانىن اتاپ ءوتتى.
«قازاقستاندا بيزنەستى دامىتۋ، شەتەلدىك ينۆەستورلاردى تارتۋ، ونىڭ ىشىندە ءۇندىستان ءۇشىن دە بارلىق جاعدايلار جاسالعان»، - دەدى ءوڭىر باسشىسى. «مەن سىزدەرگە ءبىزدىڭ وبلىسپەن الەۋمەتتىك-ەكونوميكالىق ىنتىماقتاستىقتى ۇيىمداستىرۋ جولدارىن قاراستىرۋدى ۇسىنامىن. اسىرەسە اۋىل شارۋاشىلىعىن دامىتۋ، اۋىل شارۋاشىلىعى ونىمدەرىن قايتا وڭدەۋ سالاسىندا ناقتى بايلانىستار كەرەك. بىزدە جەراستى جانە جەرۇستى سۋ رەسۋرستارى بولا تۇرا، سۋارمالى جەرلەردى پايدالانۋ ناشار جۇرگىزىلۋدە»، - دەدى ساپاربايەۆ.
وبلىس اكىمى ۇندىلىك ەلشى مەن ءۇندىستاندىق بيزنەسمەندەردى وسى جىلدىڭ 27- قاراشاسىندا وتەتىن بيزنەس-فورۋمعا شاقىردى.
