وتاندىق ونەر جۇلدىزدارى ۇلتتىق مۋزەيدە گيد بولۋعا دايىندالۋدا - فوتو
وسىعان وراي kazmuseum.kz ءتىلشىسى ونەر جۇلدىزدارىنىڭ بۇل شاراعا دايىندىعى تۋرالى ءبىلىپ قايتقان ەكەن.
تۇڭعىش پرەزيدەنت كۇنىنە ورايلاستىرىلعان شارادا وتاندىق ونەر جۇلدىزدارى مۋزەيدەگى گيد قىزمەتىن كورسەتەدى. مۋزەي قوناقتارى انشىلەر مەن اقىنداردى گيد رەتىندەگى قىرىنان تانىپ، وزدەرىنە قاجەتتى اقپاراتتى الادى. جوبانىڭ باستى ماقساتى - ۇلتتىق مۋزەيدەگى قوعامداعى يمدجىن ارتتىرا وتىرىپ، ەكسكۋرسوۆود قىزمەتىنىڭ ەرەكشەلىكتەرىن ءتۇسىندىرۋ بولىپ تابىلادى.
ونەر جۇلدىزدارىنىڭ اراسىندا اقىن قالقامان سارين، ءانشى قاراقات ءابىلدينا بار. قاراقات مۋزەيگە كەلۋشىلەر ءۇشىن «التىن زالدى» تانىستىرادى ەكەن. ال قۇرماش ماقانوۆ «تاريح» زالىن تانىستىرادى.
سونداي-اق مۋزەيدەگى گيد رەتىندە قىزمەت كورسەتەتىن تانىمال جۇلدىزداردىڭ اراسىندا كلارا تولەنبايەۆا، مارجان اراپبايەۆا، دوسىمجان تاڭاتاروۆ پەن گۇلنۇر ورازىمبەتوۆا دا بار.
اتالعان ونەر جۇلدىزدارى ۇلتتىق مۋزەيدىڭ بىرنەشە زالدارى بويىنشا گيد قىزمەتىن اتقارادى.
استانا قالاسىنىڭ تۇرعىندارى مەن قوناقتارى «جۇلدىزدى گيد» جوباسىن 26- قاراشا كۇنى ساعات 14:00 دەن باستاپ تاماشالاي الادى. شارا سوڭىنان جۇلدىزداردىڭ كونسەرتىن تاماشالاۋعا بولادى.
