11:33, 10 - قاراشا 2015 | GMT +5
قازاقستاننان زەرگەرلىك بۇيىمدار الىپ وتپەك بولعان قىتاي ازاماتى ۇستالدى
استانا. قازاقپارات - قازاقستاننان قىتاي حالىق رەسپۋبليكاسىنا 75 دانا زەرگەرلىك بۇيىمدى كونتراباندالىق جولمەن وتكىزبەك بولعان قىتاي ازاماتىن شەكاراشىلار قولعا ءتۇسىردى.
كۇدىكتى ءوزىن ءجاميلا دەپ تانىستىرعان. جاسى قىرىقتىڭ شاماسىنداعى ايەلدى قازاقستاندىق شەكاراشىلار ماقانشى شەكارا وتريادىنا قاراستى «باحتى-اۆتو» باقىلاۋ-وتكىزۋ بەكەتىندە ۇستاعان.
ونى تەكسەرۋ كەزىندە سومكەسىنەن 75 دانا جۇزىك، سىرعا، ساقينا، القاباۋ جانە بىلەزىكتەر تابىلعان. بارلىعى دا اسىل تاستارمەن كومكەرىلگەن باعالى مەتالدان ازىرلەنگەن.
اتالعان دەرەك بويىنشا ماتەريالداردى ق ر ق ك 234- بابىنا سايكەس سوت ورىندارىنا بەرۋ جوسپارلانۋدا.
Baq.kz
