الماتىدا باۋىرجان مومىش ۇلىنا ارنالعان ەسكەرتكىش اشىلدى

استانا. قازاقپارات - الماتىدا كەڭەس وداعىنىڭ باتىرى، حالىق قاھارمانى باۋىرجان مومىش ۇلىنا ارنالعان بيۋست ەسكەرتكىش اشىلدى.

ءمۇسىن باتىردىڭ اتىن العان رەسپۋبليكالىق اسكەري مەكتەپتىڭ الدىنا ورناتىلدى، - دەپ حابارلايدى «الماتى» تەلەارناسى.

تەلەارنا تىلشىلەرىنىڭ مالىمەتىنشە، باۋىرجان مومىش ۇلىنىڭ ەسكەرتكىشىن بەكەجان البوسىنوۆ ەسىمدى ساۋلەتشى قۇيعان. سالتاناتتى جيىنعا قاھارماننىڭ كوزىن كورگەندەر مەن تۋعان-تۋىستارى كەلدى.

«ەلباسىمىزدىڭ باۋىرجان جۇلدىز العان كۇن، حالقىمنىڭ باعى جانعان كۇن دەپ. ەرلىكتىڭ، ورلىكتىڭ اق تۋىن كەشتە بولسا، ءادىل باعاسىن الۋىنا بىردەن-ءبىر سەبەپكەر بولىپ، كەڭەس وداعىنىڭ باتىر اتاعىن الىپ بەرۋى تاۋەلسىز ەلگە رۋح سىيلار باۋكەڭدى ەرەكشە باعالاعانى جانە حالىققا ونەگە بولسىن دەپ ۇققانىمىز دۇرىس»، - دەدى ق ر پارلامەنتى ءماجىلىسىنىڭ دەپۋتاتى باقىتبەك سماعۇل.