ۇسقىنسىز بويجەتكەنگە دارىگەرلەر كومەكتەسە المايتىنىن مالىمدەدى - فوتو
ءتىپتى ىسىك تۇيىندەر كوزى مەن مۇرنىن جاۋىپ تاستاعان، الايدا ناۋقاس ءوزىن باقىتتى سەزىنەتىنىن جاسىرمادى.
21 جاستاعى حاديا حاتۋن اتا- انالارىمەن تۇرادى، مەكتەپكە بارماعان. ول ءتۇر- الپەتىن بۇزىپ تۇراتىن نەيروفيبروماتوز دەرتىنە شالدىققان. دارىگەرلەر ەش كومەك كورسەتە المايتىندارىن مالىمدەگەن. ال بويجەتكەننىڭ ءوزى كوزى، مۇرنى بار ەكەنىن دە بىلمەيدى دەسە بولادى، ال اۋىزى بەتىنىڭ سول جاعىنان كىشكەنە تەسىك بولىپ كورىنىپ تۇرادى.
نەيروفيبروماتوز - كۇللى دەنەگە قاتەرسىز ىسىك بولىپ جايىلاتىن گەنەتيكالىق وزگەرىستەردىڭ جالپى اتاۋى. ىسىك تۇيىندەر ءار ءتۇرلى تىندەر مەن ورگانداردا شوعىرلانادى، اسىرەسە بەت، مويىن قاتتى وزگەرەدى. بەت- الپەتىنىڭ ۇسقىنسىزدىعىنا قاراماستان، ول ءوزىن باقىتتى سەزىنەدى.
«مەنىڭ جاراتىلىسىم وسى. ول قانداي بولسا، سولاي قابىلدايمىن، دەدى بويجەتكەن، - قولىمنان كەلگەندى عانا جاساي الامىن. بۇل - مەنىڭ تاعدىرىم. ماسەلە مۇنى قالاي ەڭسەرۋدە نەمەسە توزۋدە ەمەس، مەن قالىپتى ءومىر ءسۇرىپ ءجۇرمىن».
اتا- انالارى العاش رەت قىزى ەكى ايلىعىندا كوزىن اشا الماعان كەزدە تۇسىنىكسىز ءبىر جايتتى بايقاعان. وسىدان كەيىن قىز بالا 6 اي اۋرۋحانادا جاتىپ، تەكسەرۋدەن وتكەن. وعان نەيروفيبروماتوز دياگنوزىن قويدى. ۋاقىت وتە كەلە اۋرۋ ءورشي ءتۇستى، دارىگەرلەر كەلەشەگى جايلى ءدوپ باسىپ ەشتەڭە ايتا الماي وتىر، دەپ جازادى شەتەلدىك ب ا ق.
