كوكشەتاۋ قالاسىنىڭ ەڭ سۇلۋ ارۋى - فوتو
ءاۋ باستان ءوز كۇشتەرىن سىناۋعا 100 دەن استام ارۋ كەلگەن. ولاردىڭ تەك 12 ءسى عانا اقتىق سىنعا ءوتتى.
ايتا كەتەرلىگى، ەڭ سۇلۋ اتانعىسى كەلەتىن ارۋلاردان ەشقانداي كورسەتكىشتەر تالاپ ەتىلمەدى. جەڭىسكە دەگەن قۇلشىنىس جانە ءوزىن كورسەتە ءبىلۋ - باستى شارتتاردىڭ ءبىرى بولدى.
دايىندىقتار ءىس-شارا باستالماي تۇرىپ، قىزۋ ءجۇرىپ جاتتى: قىزدار بويانىپ، وزدەرىن رەتكە كەلتىرۋى ءتيىس بولدى. بىرەۋلەرى ءوز كۇشىمەن بويانسا، ەكىنشىلەرى كاسىبي شەبەرلەردىڭ كومەگىنە جۇگىندى.
جەرگىلىكتى تەلەديدار ءتاجىن كەلەسى جەڭىمپازعا تابىستاۋعا كەلگەن بايقاۋدىڭ بۇرىنعى جەڭىمپازىنان سۇحبات الدى.
«كوكشەتاۋ» مادەنيەت سارايىنىڭ زالى كەلۋشىلەرگە لىق تولى. بايقاۋعا قاتىسۋشىلاردىڭ جاقىندارى قولداۋ كورسەتۋ ءۇشىن جينالعان.
قاتىسۋشىلار بىرتىندەپ ءوزىن تانىستىرۋعا كىرىستى. كەي ارۋلار تەك جەڭىس ءۇشىن كەلگەندەرىن ايتىپ جاتتى.
بايقاۋلاردىڭ بىرىندە بويجەتكەندەر جينسي مەن فۋتبولكا كيدى.
ارۋلار كيىنگەنشە ساحنادا تانىمال كوكشەتاۋ ءانشىسى يانا حابيبۋللينا ونەر كورسەتتى.
كەلەسى كەزەڭ - جەرگىلىكتى «ارمان» تىگىن فابريكاسىنىڭ كيىمدەرىمەن دەفيلە كورسەتۋ. بايقاۋدىڭ بۇل كەزەڭى «كوكشەتاۋدا جاسالعان» دەپ اتالادى.
كەلەسى كەزەڭگە دايىندىق ۋاقىتىندا ۇتىس ويىندار ۇيىمداستىرىلىپ، كورەرمەندەردىڭ ءبىرى شاش بۇيرالايتىن قۇرال (پلويكا) ۇتىپ الدى.
ەڭ سوڭعى كەزەڭ - كەش كويلەگىمەن دەفيلە.
كوكشەتاۋداعى «قازاقستان ارۋى» جەرگىلىكتى وكىلى نايليا سەيدالينا بارلىق قاتىسۋشىلار مەن كەلۋشىلەرگە العىسىن جاۋدىردى.
بايقاۋدىڭ شەشۋشى ساتىندە سەيدالينا جەڭىمپازدىڭ ەسىمىن جاريا ەتتى. «كوكشەتاۋ ارۋى-2015» اتاعى مەن ءتاج شوقان ءۋاليحانوۆ اتىنداعى ك م ۋ ستۋدەنتى 21 جاستاعى جاننا حايرۋليناعا بۇيىردى. بويجەتكەن گەرمانيادا ءبىلىم الۋدى ارماندايدى ەكەن. ال بۇگىندە ونىڭ تاعى ءبىر ارمانى ورىندالعان سىڭايلى.
فوتو: Nur.kz
