ءوزىن ءجيى فوتوعا تۇسىرۋگە قۇمارلىقتان ارىلتاتىن ءدارى ساتىلا باستادى

 استانا. قازاقپارات -  ۇلى بريتانيادا سەلفي- تاۋەلدىلىكتەن ارىلتاتىن ءدارى ساتىلا باستادى. Metro جازعانداي، بۇل پرەپاراتتىڭ تىنىستى اشاتىن جاعىمدى جالبىزدى ءدامى بار.

سەلفيگە تاۋەلدى ادامدارعا ول پسيحولگيالىق تۇرعىدان اسەر ەتەدى، ال تىكەلەي دارىلىك اسەرى جوق دەسە دە بولادى.

ءوزىن ءجيى فوتوعا تۇسىرۋگە قۇمار جاندارعا بۇل ءدارى ءبىراز پايداسىن تيگىزەتىن بولادى. الايدا بۇل ءدارىنىڭ دە باسقا دارىلەر سياقتى قولدانۋ نۇسقاۋلىعى بار.

 دارىگە سيپاتتامادا ونىڭ بىرەگەيلىگى، ەرەكشەلىگى جانە جاسىرىن جەتكىزۋ مۇمكىندىگى كورسەتىلگەن. ءبىر قىزىعى، ونى ايەلدەرگە (نازىك جاندىلاردا تاۋەلدىلىك باسىم بولعاندىقتان بولار) ءۇش رەت، ەرلەرگە ەكى رەت تۇتىنۋ ۇسىنىلادى.

 دارىگە بريتاندىق AntiSelfieTabs ينتەرنەت دۇكەنىنىڭ رەسمي سايتىنان تاپسىرىس بەرۋگە (باعاسى 2,99 فۋنت - 4,5 دوللار) بولادى. ءبىر قوراپتا 36 جالبىزدى كامپيت. ءبىر ۋاقىتتا بەس وراماعا تاپسىرىس بەرۋگە بولادى.