ەگىز ايەل الماتىداعى «مەرەي» ساۋدا ورتالىعىنىڭ عيماراتىنان سەكىرىپ كەتتى
سالتانات ازىربەكتىڭ مالىمەتىنشە، بۇل وقيعا بۇگىن تاڭعى ۋاقىتتا بولعان. ەكى ايەل العان جاراقاتتارىنان قازا بولعان. «1966-جىلعى ايەلدەر عيماراتتان سەكىرىپ كەتتى. بۇل دەرەك جەتىسۋ اۋداندىق ىشكى ىستەر باسقارماسىنىڭ سوتقا دەيىنگى ءبىرىڭعاي رەسترىندە تىركەلدى. قاجەتتى ساراپتامالار تاعايىندالدى. وقيعانىڭ ءمان-جايىن سوتقا دەيىنگى تەرگەۋ انىقتايدى. الدىن-الا بولجام بويىنشا، بۇل - سۋيتسيد»، - دەپ حابارلادى ول. سونىمەن قاتار، ەكى ايەلدىڭ جۇمىسسىز ەكەنى انىقتالدى.
ەسكە سالايىق، قازان ايىنىڭ سوڭىندا شىمكەنتتەگى Mega ورتالىعىندا اتىراۋلىق ەر ادامنىڭ سۋيتسيد جاساعانى حابارلانعان بولاتىن. كۋاگەرلەردىڭ ايتۋىنا قاراعاندا، ەر ادام قورشاۋدان سەكىرىپ، مۇز ايدىنىنا قۇلاعان. ءى ءى د باسپا ءسوز قىزمەتىنىڭ باسشىسى سالتانات قاراگوزوۆانىڭ ايتۋىنشا، اتىراۋدىڭ 1973-جىلعى تۇرعىنى مۇزعا قۇلادى. «بۇل دەرەككە قاتىستى سوتقا دەيىنگى تەرگەۋ باستالدى. ەر ادام قالالىق اۋرۋحانانىڭ جانساقتاۋ بولىمىندە جان تاپسىردى»، - دەدى قاراگوزوۆا.
