شەكارادان ەسىرتكى الىپ وتپەك بولعانداردىڭ ءبارى ءيىسشىل ءيتتى الداي الماي، قولعا ءتۇستى

استانا. قازاقپارات - وڭتۇستىك وڭىرلىك باسقارماسىنا قاراستى «مەركە» تەكسەرىپ- وتكىزۋ بەكەتىنىڭ «سىپاتاي باتىر اۆتو» كولىكتىك- شەكارالىق تەكسەرۋ بولىمشەسىنىڭ شەكاراشىلارى قىرعىز رەسپۋبليكاسىنان ءبىزدىڭ ەلگە كەلۋشىلەر زالىندا «كايتا» اتتى قىزمەتتىك ءيتتىڭ كومەگىمەن جىلۋ باتارەيالارىندا پوليەتيلەن پاكەتكە سالىنىپ تىعىلعان «گاشيش» ەسىرتكىسىن تاپتى.

كولەمى اسا كوپ ەمەس، 3-4 گرام.

ىزگە تۇسكەن يت ەسىرتكىنىڭ يەسى رەتىندە 1970 - جىلى تۋعان «اشىرالى» ەسىمدى قىرعىزستان ازاماتىن كورسەتتى. ادەتتە يت قاتەلەسپەيدى. ايعاقتى زات كۇدىكتىمەن بىرگە ىشكى ىستەر قىزمەتكەرلەرىنە تاپسىرىلدى، انىق- قانىعىنا سولار جەتەتىن بولادى.

قىزمەتتىك يتتەر وزدەرىنىڭ ەسىرتكى تاسىمالىنىڭ جولىن كەسۋدە تاپتىرماس كومەكشى ەكەندىگىن كۇندەلىكتى دالەلدەۋدە. مىسالى، پەتروپاۆل شەكارا وتريادىنىڭ « قىزىلجار اۆتو» بولىمشەسىندە 8 - قاراشا كۇنى تۇنگى ساعات 01.30-دا «ميكي» اتتى قىزمەتتىك يت «پەتروپاۆلوۆسك- تيۋمەن» (قازاقستاننان رەسەيگە قاراي) باعىتىنا بەت العان «سەترا» جولاۋشىلار اۆتوبۋسىن تەكسەرۋ كەزىندە № 37-38 ورىندىقتاردىڭ جاستىقشالارىنا تىعىلعان قاعاز تۇيىنشەكتى تاۋىپ، ارتىنشا ونىڭ «ماريحۋانا» ەسىرتكىسى ەكەندىگى انىقتالدى. بۇل دا كوپ ەمەس، بار- جوعى 4-5 گرام، بىرەۋدىڭ جولدا «ەرمەك» قىلۋعا الىپ شىققان ەسىرتكىسى بولار. كولەمى از بولسا دا زاردابى كوپ بولۋى دا عاجاپ ەمەس ەدى.

 ءدال وسى بولىمشەنىڭ شەكاراشىلارى سول كۇنى تاڭەرتەڭگى ساعات 09.00-دە «تەمىرتاۋ- تيۋمەن» باعىتىمەن كەتىپ بارا جاتقان جولاۋشىلار اۆتوبۋسىنداعى 1966 - جىلى تۋعان «سەرگەي» ەسىمدى ق ر ازاماتىنىڭ كۇرتەشەسىنىڭ قالتاسىنان 2-3 گ ر. «ماريحۋانا» ەسىرتكىسىن تاپتى.

 ءبىر ساعاتتان كەيىن (ساعات 10.00) تاعى دا سول بەكەتتىڭ شەكاراشىلارى «تەمىرتاۋ- تيۋمەن» باعىتىمەن كەتىپ بارا جاتقان تاعى ءبىر اۆتوبۋستان 1-2 گ ر «ماريحۋانا» ەسىرتكىسىن الىپ جۇرگەندىگى ءۇشىن قازاقستاندىق «اندرەي» ەسىمدى ازاماتتى ۇستادى. جوعارىدا اتالعان ەكى جۇرگىنشى دە ايعاقتى زاتتارىمەن بىرگە  قىزىلجار اۋداندىق ىشكى ىستەر بولىمىنە جونەلتىلدى.

وڭتۇستىك وڭىرلىك باسقارماسىنىڭ قورداي شەكارا وريادىنا قاراستى «قورداي اۆتو» بولىمشەسىندە 8 - قاراشا كۇنى قىزمەتتىك ءيت 1962 - جىلى تۋعان «تۇراحان» ەسىمدى قازاقستاندىق ازاماتتى (قىرعىزستاننان- قازاقستانعا كەلە جاتقان) ەسىرتكى تاسىمالداۋشى رەتىندە كورسەتتى. تەكسەرۋ بولمەسىنە الىپ بارا جاتقان شەكاراشىلار اتالمىش ازاماتتىڭ الدەبىر نارسەنى قالتاسىنان الىپ لاقتىرىپ جىبەرگەندىگىن كوزدەرى شالىپ قالدى. لاقتىرىلعان تۇيىنشەك تابىلىپ، گاشيش ەسىرتكىسى ەكەندىگى انىقتالدى (2,26 گ ر)، دەپ حابارلايدى ق ر ۇ ق ك ش ق باسپا ءسوز قىزمەتى.