ق ر قورعانىس ءمينيسترى دۋبايداعى حالىقارالىق كورمەگە قاتىستى - فوتو
بۇل تۋرالى ق ر ق م باسپا ءسوز قىزمەتى حابارلادى.
دۋبايداعى «Dubai Airshow» حالىقارالىق اۆياسالونى الەمدىك ازاماتتىق جانە اسكەري اۆياونەركاسىبىندەگى نەگىزگى وقيعالاردىڭ ءبىرى بولىپ تابىلادى. كورمە ەكى جىلدا ءبىر رەت وتكىزىلەدى. كەشەننىڭ كورمە الاڭى 645 مىڭ شارشى مەتردى قۇرايدى.
وسى كورمە شەڭبەرىندە ق ر قورعانىس ءمينيسترى يمانعالي تاسماعامبەتوۆ ءابۋ- دابي امىرلىگىنىڭ مۇراگەر حانزاداسى، ب ا ءا ق ك باس قولباسشىسىنىڭ ورىنباسارى شەيح مۇحاممەد بەن زايد ءال ناحايانمەن كەزدەستى.
«ەلىمىزدىڭ اراسىنداعى دوستاستىق قارىم- قاتىناس بىرىككەن اراب امىرلىكتەرىنىڭ نەگىزىن قالاۋشى، سىزدەردىڭ اكەلەرىڭىز جانە ق ر پرەزيدەنتى نۇرسۇلتان نازاربايەۆپەن قالانعان. ول جىل سايىن نىعايىپ، ناتيجەلى ءارى جەمىستى بولۋدا، اناعۇرلىم جوعارى دەڭگەيگە شىعىپ كەلەدى»، - دەدى يمانعالي تاسماعامبەتوۆ قۇتتىقتاۋ سوزىندە. سونىمەن قاتار، «بىرلەسكەن وقۋ- جاتتىعۋ مەن ترەنينگتەر تۇرىندە ىسكە اسىرىلۋى مۇمكىن ب ا ءا- مەن قورعانىس ىنتىماقتاستىعىن دامىتۋدا مۇددەلىمىز»، - دەدى ول. كەلەسى جىلى حالىقارالىق سايىستاردى ۇيىمداستىرۋدى جوسپارلاۋدامىز. وسىعان بايلانىستى، اتالعان ءىس- شاراعا ماماندارىڭىزدى قاتىسۋعا شاقىرامىن.
ودان باسقا، ق ر قورعانىس ۆەدومستۆوسىنىڭ باسشىسى الداعى ۋاقىتتا استانادا وتەتىن«KADEX - 2016» قارۋ- جاراق، اسكەري تەحنيكا جانە اسكەري- تەحنيكالىق مۇلىك حالىقارالىق كورمەسى تاقىرىبىن قوزعاپ ءوتتى.
«مۇمكىندىكتى پايدالانا وتىرىپ جانە مەملەكەتتەرىمىزدىڭ اراسىنداعى اسكەري ىنتىماقتاستىقتى دامىتۋ ماقساتىندا سىزدەردى جانە سىزدەردىڭ قورعانىس- ونەركاسىبى كەشەنى كومپانيالارىڭىزدى وسى كورمەگە قاتىسۋعا شاقىرامىن. قارۋ- جاراق پەن اسكەري تەحنيكا سالاسىنداعى بىرىككەن اراب امىرلىكتەرىنىڭ تىڭ جاڭالىعى استاناداعى پاۆيلوندار كورمەسىن اجارلاندىرا تۇسەدى دەپ ۇمىتتەنەمىن»، - دەدى مينيستر.
