شىمبۇلاق تاۋ-شاڭعى كەشەنىندە «قار استىندا قالعاندار» قۇتقارىلدى - فوتو
وقۋ- جاتتىعۋدىڭ اڭىزى بويىنشا ارقان جولىمەن دەمالۋشىلاردى كوتەرۋ ۋاقىتىندا ەلەكتر قۋاتىنىڭ ءسونۋى ناتيجەسىندە توقتاپ قالادى، كابينادا ءۇش ادام بولدى. قاتتى اياز بولعاندىقتان، كومەككە رەسپۋبليكالىق جەدەل- قۇتقارۋ جاساعىنىڭ قۇتقارۋشىلارى قاتارىنان جيىنتىق قۇتقارۋ قۇرالىمدارى، «الماتى قالاسىنىڭ قۇتقارۋ قىزمەتى» جانە «شىمبۇلاق» تاۋ-شاڭعى كەشەنىنىڭ شاڭعى پاترۋلى شىقتى.
قۇتقارۋشىلار ارنايى جاراق ارقىلى تىرەۋ باعانالارىنان اسپالى كابيناعا دەيىن ءتۇسۋدى جانە ادامداردى تىگىنەن ءتۇسىرۋ ارقىلى ءقاۋىپسىز جەرگە كوشىرۋ جۇمىستارىن پىسىقتادى. تومەندە زارداپ شەككەندەرگە العاشقى مەديتسينالىق كومەك كورسەتىلىپ، ودان كەيىن توتەنشە جاعدايلار كوميتەتىنىڭ اپات مەديتسيناسى ورتالىعى مەن جەدەل جاردەم قىزمەتكەرلەرىنە تاپسىرىلدى، دەپ حابارلايدى الماتى قالاسىنىڭ ت ج د- ىنەن.
№2 جاتتىعۋ ورنىندا: جاتتىعۋدىڭ مازمۇنى بويىنشا شاڭعى جولىنداعى شاتقالدىڭ باتىس جاعىندا 5000 شارشى مەتردى قۇرايتىن قار كوشكىنى بولىپ، قار استىندا ءۇش شاڭعىشى قالىپ قويادى.
ىزدەستىرۋ- قۇتقارۋ جۇمىستارىن ۇيىمداستىرۋ ءۇشىن قۇتقارۋشىلاردىڭ جيىنتىق توبى شىقتى. قۇتقارۋشىلار زارداپ شەككەندەردى كورگەننەن كەيىن راديو بايلانىس ارقىلى شتابقا شاڭعىشىلاردىڭ دەنساۋلىقتارى تۋرالى العاشقى اقپارتتى باياندايدى، العاشقى مەديتسينالىق كومەك كورسەتكەننەن كەيىن ولاردى ءقاۋىپسىز جەرگە ەۆاكۋاتسيالايدى، مەديتسينا قىزمەتكەرلەرىنە تاپسىرادى.
سونداي-اق جاتتىعۋ ورنى تالعار اسۋى بولادى، بۇل جەردە ءتورت ادامنان قۇرالعان تۋريستەر توبى بەلگىلەنگەن باعىت بويىنشا كەلە جاتىپ، باعىتتان شاتاسىپ جانە اداسىپ كەتەدى، توپتا ءار ءتۇرلى دەنە جاراقاتتارىن العان زارداپ شەككەندەر دە بار.
ت ج كوميتەتىنىڭ رەسپۋبليكالىق جەدەل- قۇتقارۋ جاساعى اداسقان تۋريستەردى ىزدەستىرۋ-قۇتقارۋ جۇمىستارىن ۇيىمداستىرادى. تۋريستىك توپتى ىزدەپ تاپقاننان كەيىن ولارعا العاشقى مەديتسينالىق كومەك كورسەتىلىپ، زارداپ شەككەندەردى ءقاۋىپسىز جەرگە ەۆاكۋاتسيالاپ، مەديتسينا قىزمەتكەرلەرىنە تاپسىرادى.
كەزەكتى جاتتىعۋ ورنى «شىمبۇلاق» ت ش ك اپاراتىن جولداعى قار كوشكىنى باسىپ قالعان ايماقتا قۇتقارۋ جانە كەزەك كۇتتىرمەيتىن جۇمىستار جۇرگىزۋ ورنى بولادى. اڭىز بويىنشا «مەدەۋ» بوگەتىنەن تاۋ- شاڭعى كەشەنىنە باعىتتالعان تاۋلى جول بويىنشا اۆتوكولىك كەتىپ بارا جاتقاندا 3000 شارشى مەتردى قۇرايتىن قار كوشكىنى بولادى. ونىڭ ناتيجەسىندە ءۇش ادامى بار اۆتوكولىك قار استىندا قالىپ قويادى.
قۇتقارۋشىلارعا ۋچاسكەنى زوندتاۋ ارقىلى تەكسەرىپ، قار استىنان زارداپ شەككەندەردى تاۋىپ الىپ شىعۋ قاجەت. كوشكىن جۇرگەن ۋچاسكەنى كينولوگيالىق ەسەپتەر تەكسەرىپ، ادامدار بار جەرلەر جالاۋلارمەن بەلگىلەندى. قار كوشكىنى سالدارىن جويۋ «قازسەلدەن قورعاۋ» بولىمشەلەرىنىڭ ينجەنەرلىك تەحنيكاسى كومەگىمەن جۇرگىزىلدى.
وقۋ-جاتتىعۋ كەزەڭىندە قويىلعان ماقساتتار مەن مىندەتتەر تولىق كولەمدە ورىندالدى.
