ءاليا نازاربايەۆا «قازاق ەلى» فيلمىندە باستى ءرولدى سومداۋى مۇمكىن
كارتينانىڭ پروديۋسەرى ارمان اسەنوۆتىڭ مالىمدەۋىنشە، نازاربايەۆامەن ءامىر تەمىردىڭ نەمەرەسى ءرابيا سۇلتان بەگىمنىڭ ءرولىن سومداۋ تۋرالى كەلىسسوزدەر ءجۇرىپ جاتىر. «ءبىز ءاليا نازاربايەۆامەن كەلىسسوزدەر جۇرگىزىپ جاتىرمىز. ازىرشە ناقتى بەلگىلى ەمەس، سەبەبى ونىمەن ءبىزدىڭ كەستەمىز سايكەس كەلمەيدى. ول سومدايتىن كەيىپكەردىڭ قاتىسۋىمەن وتەتىن تۇسىرىلىمدەر ەكى اپتادان سوڭ بولۋى ءتيىس»، - دەدى اسەنوۆ.
«قازاق ەلى» كوپسەريالىق فيلمىنىڭ 1465 -جىلى قازاق مەملەكەتىنىڭ قۇرىلۋ كەزەڭىن، جانىبەك پەن كەرەيدىڭ، ولاردىڭ بالالارى قاسىم مەن بۇرىندىقتىڭ بيلىك ەتكەن كەزەڭىن قامتيتىنى بەلگىلى. فيلم ءىلياس ەسەنبەرليننىڭ «كوشپەندىلەر» رومانىنىڭ ءبىرىنشى تومى بويىنشا ءتۇسىرىلۋ ۇستىندە. رەجيسسەر رۇستەم ابدراشەۆتىڭ ايتۋىنشا، قازىرگى ۋاقىتتا ماتەريالدىڭ 40 پايىزى ءتۇسىرىلدى، مونتاجى قاتار جاسالىپ جاتىر.
كارتينادا باستى رولدەردە ەركەبۇلان دايىروۆ (جانىبەك)، قايرات كەمالوۆ (كەرەي)، ايان وتەپبەرگەن (بۇرىندىق)، مەيىرعات امانگەلدين (قاسىم)، بەكبولات تىلەۋحان (قازتۋعان)، دوسحان جولجاقسىنوۆ، ديماش احيموۆ، شۇعىلا ساپارعالي قىزى (كەرەيدىڭ ايەلى)، مادينا ىسمانوۆا (جانىبەكتىڭ ايەلى) وينايدى.
سونىمەن قاتار، قازاقستاندا تۇڭعىش رەت كراۋدفاندينگ (حالىقتىق قارجىلاندىرۋ) جوباسىنىڭ ىسكە قوسىلعانى انىقتالدى. كەز كەلگەن ادام كارتينانى جاساپ شىعارۋ ءۇشىن ءوز ۇلەسىن قوسا الادى. قارجى جيناۋ «قازاق ەلى» فيلمىنىڭ رەسمي سايتىندا ءجۇرىپ جاتىر - Qazaqeli550.kz.
