جاپونيا عالىمدارى جۇمىسقا قوعامدىق كولىكتەرمەن بارۋدىڭ ارتىقشىلىقتارىن انىقتادى
جاپونيا عالىمدارى جۇمىسقا اۆتوكولىكپەن بارعانعا قاراعاندا قوعامدىق كولىكپەن بارۋدىڭ دەنساۋلىققا پايدالى ەكەنىن مالىمدەدى. زەرتتەۋگە وساكا قالاسىنىڭ 49-54 جاس ارالىعىنداعى 6 مىڭ تۇرعىنى قاتىستى. عالىمدار زەرتتەۋگە قاتىسۋشىلاردى ەكى توپقا ءبولدى - جۇمىسقا جەكە كولىگىمەن باراتىندار جانە قوعامدىق كولىكتى نەمەسە ۆەلوسيپەدتى قولداناتىندار. زەرتتەۋدە 2012-2015 -جىلداردىڭ ارالىعى باقىلاندى.
«عالىمدار جۇمىسقا قوعامدىق كولىكپەن نەمەسە ۆەلوسيپەدپەن بارۋدىڭ ارتىق سالماق قوسۋ قاۋپىن 44 پايىزعا تومەندەتەتىنىن، قان قىسىمىن - 27 پايىزعا، ەگەر ساپار 20 مينۋت نەمەسە ودان ۇزاققا سوزىلسا سۋسامىردىڭ پايدا بولۋ قاۋپىن 34 پايىزعا تومەندەتەتىنىن انىقتادى»، - دەلىنگەن جاريالانىمدا.
ايتا كەتەيىك، عالىمدار بۇل زەرتتەۋدى شەتەلدىك ارىپتەستەرىمەن بىرىگىپ وزگە ەلدەردە جۇرگىزىپ كورۋگە نيەتتەنىپ وتىر، سەبەبى ولار جاپوندار اعىلشىندارعا قاراعاندا سەمىزدىككە سيرەك شالدىعادى دەپ ەسەپتەيدى.
