الماتىدا جول قوزعالىسى قاۋىپسىزدىگى اپتالىعى باستالدى

الماتى. قازاقپارات - بۇگىن الماتىدا «جول قوزعالىسى قاۋىپسىزدىگى اپتالىعى» جەدەل-الدىن الۋ شاراسىنىڭ باستالعاندىعى جاريالاندى.

بۇل تۋرالى بۇگىن الماتى قالاسى ءى ءى د باسپا ءسوز قىزمەتىنەن حابارلادى.

«جولداردا جول- كولىك وقيعالارى مەن ءولىم-ءجىتىمدى ازايتاۋ ماقساتىندا الماتىدا 2015 -جىلدىڭ 9-15 -قاراشاسى ارالىعىندا «جول قوزعالىسى قاۋىپسىزدىگى اپتالىعى» جەدەل- الدىن الۋ شاراسى وتەدى»، - دەلىنگەن حابارلامادا.

وسىعان وراي، الماتى ق. ءى ءى د اكىمشىلىك پوليتسياسى باسقارماسى باستىعىنىڭ ورىنباسارى، پوليتسيا پولكوۆنيگى جاندوس مۇراتاليەۆ ستاتيستيكالىق مالىمەتتەر كەلتىردى.

«ۇستىمىزدەگى جىلدىڭ سوڭعى ون ايىنىڭ قورىتىندىسى بويىنشا جول-كولىك وقيعالارىنىڭ سانى بارلىق كورسەتىلىم بويىنشا ازايعانى بايقالادى. سونىمەن، ەسەپتىك كەزەڭدە ىشىندە ادام زارداپ شەككەن 4704 جول-كولىك وقيعاسى تىركەلدى. بۇل وتكەن جىلمەن سالىستىرعاندا 6,2 پايىزعا از. ال 2014 -جىلى جول- كولىك وقيعاسىنان 5544 ادام زارداپ شەككەن بولاتىن. بيىلعى كورسەتكش بۇدان 7,1 پايىزعا از. سونداي-اق بيىل كولىك اپاتىنان 136 ادام كوز جۇمدى. ال بۇل كورسەتكىش وتكەن جىلعى كورسەتكىشتەن 20,35 پايىزعا از»، - دەدى ج. مۇراتاليەۆ.

ودان باسقا، الدىن الۋ اپتالىعى اياسىندا الەۋمەتتىك جارناما بويىنشا جاستار مەن ستۋدەنتتەردىڭ شىعارماشىلىق جۇمىستارى بويىنشا «ءوزارا تۇسىنىستىك كۇنى» بايقاۋى جاريالانادى. سونداي-اق، «ەڭ ۇزدىك اۆتومەكتەپ» جانە «جول- پاترۋل قىزمەتىنىڭ ەڭ ۇزدىك ينسپەكتورى» بايقاۋلارى دا وتكىزىلەدى.

اۆتور: جاپپاربەرگەن ايبوتا