عالىمدار: ءۇيدىڭ تاماعى ەكىنشى ءتيپتى قانت ديابەت دامۋىن تومەندەتەدى
ولار بۇل جونىندە ورلاندوداعى امەريكاندىق جۇرەك قوعامىنىڭ كەزەكتى كەزدەسۋىندە ايتىپ بەردى، دەپ حابارلادى ر ي ا نوۆوستي.
«سوڭعى 50 جىلدا ا ق ش اۋماعىندا مەيرامحانالاردا ونەركاسىپتىك تۇردە دايىندالعان تاماقتى جەۋ نەمەسە ولاردى وزدەرىمەن بىرگە ۇيگە اكەلۋ ءۇردىسى ەلەۋلى تۇردە ءوستى. سونىمەن قوسا ەكىنشى ءتيپتى ديابەتتىڭ تارالۋى دا ارتا ءتۇستى، دەپ اڭگىمەلەدى گارۆارد ۋنيۆەرسيتەتىنەن گەن تسزۋن.
تسزۋن جانە ونىڭ ارىپتەستەرى 58 مىڭ ايەل مەن 41 مىڭ ەر ادامداردىڭ دەنساۋلىعىن 40 جىل بويى باقىلاۋ بارىسىندا جينالعان مالىمەتتەردى تالداي وتىرىپ، ءۇيدىڭ تاماعى ورگانيزم ءۇشىن ەڭ قاۋىپسىز ەكەنىن جانە ديابەت دامۋى مۇمكىندىگى وسۋىنە جول بەرمەيتىنىن انىقتادى.
ا ق ش- تىڭ باستى مەديتسينالىق مەكەمەلەرىندە ورتا بۋىن مامان بولىپ جۇمىس جاسايتىن ەكسپەريمەنتكە قاتىسۋشىلاردىڭ بارلىعى دا ەشقانداي جۇرەك اۋرۋلارى دەرتىنە، ارتىق سالماق نەمەسە ديابەت اۋرۋلارىنا ۇشىراماعان بولاتىن، بۇل عالىمداردىڭ تاماقتىڭ جانە باسقا دا فاكتورلاردىڭ ولاردىڭ ومىرىنە قالاي اسەر ەتەتىنىن باقىلاۋىنا مۇمكىندىك بەردى...
تالداۋ كوبىنە ءۇي تاماعىن جەگەن مەدبيكەلەردە ديابەت دامۋى مونيتورينگىگە قالعان قاتىسۋشىلارعا قاراعاندا شامامەن 13 پايىز تومەن بولعانىن كورسەتتى. مۇنداي اسەرگە قول جەتكىزۋ ءۇشىن تسزۋن مەن ونىڭ ارىپتەستەرىنىڭ ەسەپتەرى كورسەتكەندەي، اپتاسىنا 11-14 پورتسيا ءۇي تاماعىن جەۋ جەتكىلىكتى بولماق.
