استانادا «شابىت» جاستار شىعارماشىلىعى فەستيۆالى جەڭىمپازدارىنىڭ ەسىمدەرى جاريالاندى - فوتو
«شابىت» ءداستۇرلى تۇردە ءار جىل سايىن وزگەرىپ وتىراتىن بىرنەشە اتالىمداردى جاريالايدى. بيىلعى جىلى قازىلار القاسى كونكۋرسقا قاتىسۋشىلاردى «حالىق مۋزىكاسى»، «كلاسسيكالىق مۋزىكا»، «سيرك ونەرى»، «بەينەلەۋ ونەرى» جانە «سپورتتىق بال بيلەرى» اتالىمدارى بويىنشا باعالادى.
بيىدلعى جىلى ق ر پرەزيدەنتىنىڭ كۋبوگى مەن فەستيۆالدىڭ گران-ءپريى ءۇشىن قازاقستاننىڭ، رەسەيدىڭ، وزبەكستاننىڭ، قىرعىزستاننىڭ، قىتايدىڭ، پولشانىڭ جانە باسقا دا ەلدەردىڭ ءارتۇرلى ايماقتارىنان 388 ونەرپاز سايىسقا ءتۇستى. قالانىڭ ۇزدىك كونسەرت الاڭدارىندا بەس كۇن بويى كونكۋرسانتتار بەلگىلى ارتىستەر مەن مۋزىكانتتاردان قۇرالعان قازىلار القاسى الدىندا ءوز تالانتتارىن ورتاعا سالدى.
فەستيۆالدىڭ باستى ماراپاتى - قازاقستان رەسپۋبليكاسى پرەزيدەنتىنىڭ كۋبوگىن سكريپكاشى ماقسات ءجۇسىپوۆ جەڭىپ الدى. «سيرك ونەرى» اتالىمىندا گران-پريگە سەرىك بوراشيەۆ باسقارعان الماتىداعى «قازاق مەملەكەتتىك سيرك»، «سپورتتىق بال بيلەرى» اتالىمىندا رومان زوتودوۆ پەن اننا پوزدنياكوۆا (كراسنويارسك، رەسەي) يە بولدى. «كلاسسيكالىق مۋزىكا» اتالىمىنىڭ جەڭىمپازدارى: فورتەپيانو - رابيعا دۇيسەمبەايەۆا، الت، ۆيولونچەل، كونتراباس - پاۆەل رومانەنكو، سكريپكا - ماقسات ءجۇسىپوۆ، اكادەميالىق ءان سالۋ - شاحريزادا تىنىشتىق. «بەينەلەۋ ونەرى» اتالىمىندا: - ءمۇسىن - دانيار سارباسوۆ، ساندىك-قولدانبالى ونەر - التىنبەك ەسەنعازيەۆ. «حالىقتىق مۋزىكا» اتالىمىندا: دومبىرا - ساكەن بەكجانوۆ، دومبىرامەن ءان سالۋ - جاقسىكەلدى ماياساروۆ.
