تۋتانحامون مازارىنان جاسىرىن بولمە تابىلدى

 استانا. قازاقپارات - مىسىردىڭ تاريحي جادىگەرلەر مينيسترلىگى تۋتانحامون مازارىندا جاسىرىن بولمە بار دەگەن تەوريانى راستايتىن جاڭا دەرەكتەردى جاريالادى، دەپ جازدى ۋترو. رۋ.

 National Geographic-كە بەرگەن سۇحباتىندا ۆەدومستۆو باسشىسى مامدۋح ەل- داماتي مازاردىڭ ينفراقىزىل سۋرەتتەرىنىڭ العاشقى ساراپتاماسى سولتۇستىك قابىرعانىڭ ءتۇرلى بولىكتەرىنىڭ تەمپەراتۋراسى ءار ءتۇرلى ەكەنىن كورسەتتى دەگەن. ەندەشە، قابىرعانىڭ ارتىندا بوس كەڭىستىك بار.

 بيىل بريتانيالىق مىسىرتانۋشى نيكولاس ريۆزانىڭ ەڭبەگى جاريالاندى. ول پەرعاۋىن مازارىندا جابىلىپ، بويالعان تاعى ەكى ەسىك ورنى بار ەكەنىن ايتتى. ونىڭ پىكىرىنشە، بۇل ەسىك ورىندارى باستاپقىدا مازاردى نەفەرتيتي پاتشايىمى ءۇشىن جاساعانىن دالەلدەيدى. ول ەحناتوننىڭ (امەنحوتەپ IV)، تۋتانحاموننىڭ اكەسىنىڭ العاشقى ايەلى بولعان. تۋتانحاموننىڭ اناسىنىڭ اتى بەلگىسىز، الايدا ول ەحناتوننىڭ اپكەسى بولدى دەگەن بولجام بار.