قىتايداعى ءىرى ب ا ق روبوت-جۋرناليستى جۇمىسقا ورنالاستىردى
ونىڭ مىندەتىنە ەكونوميكالىق جانە سپورت تاقىرىبىنا ماتەريالدار قۇراستىرۋ كىرەدى. كومپيۋتەرلىك باعدارلاما اقپارات اگەنتتىگىنىڭ قۇرىلعانىنا 84 جىل تولۋى قارساڭىندا ىسكە قوسىلدى، دەپ حابارلادى Nakedscience پورتالى.
اقپاراتتىق اگەنتتىك باسشىسى روبوت جۋرناليستى تولىق اۋىستىرا المايدى، ءبىراق تا جۇمىس كۇشىن ۇنەمدەيدى جانە رەپورتاجداردىڭ تيىمدىلىگى مەن دالدىگىن ارتتىرادى، دەپ مالىمدەدى.
روبوت - جۋرناليستى سىناۋ وتكەن ايدا بولدى. باعدارلاما قىتاي فۋتبول سۋپەرليگاسىنىڭ وقيعالارىن جاريالادى. ساراپشىلاردىڭ باعالاۋىنشا، روبوت قويىلعان مىندەتتى اتقارىپ شىققان. باعدارلاما جارىستار ناتيجەلەرى جانە رەيتينگىلەرى تۋرالى مالىمەتتەردى قىتاي جانە اعىلشىن تىلىندە جازا الادى.
اقپاراتتىق اگەنتتىكتىڭ پايىمداۋىنشا، روبوت كوپ كەشىكپەي «قور نارىعى، كومپانيا كىرىسى جانە ۆاليۋتالار باعامى» تاقىرىپتارىن زەردەلەپ، ەكونوميكالىق جاڭالىقتاردى دا مەڭگەرمەك.
