قىزعانشاق ايەل توقال العىسى كەلگەن كۇيەۋىنەن كەك قايتاردى
قىزعانشاق ايەل كۇيەۋىنىڭ ۇيىقتاپ قالۋىن كۇتىپ وتىردى. ال قاتتى ۇيقىعا باتقان كەزىندە ونىڭ جىنىستىق مۇشەسىن كەسىپ الدى.
ساۋديانىڭ Alheyad گازەتىنىڭ جازۋىنشا، قىزعانشاق جۇبايىنان وسىلاي كۇتپەگەن جەردەن جاپا جەككەن كۇيەۋدى «جەدەل جاردەم» كولىگى سول بويدا كوپشىلىك اۋرۋحاناسىنا الىپ كەتەدى. سوسىن ول باسقا كلينيكاعا اۋىستىرىلادى.
حابارلانعانداي، ايەل مۇنى ەكىنشى رەت ۇيلەنبەكشى بولعان كۇيەۋىنەن كەك قايتارۋ ماقساتىندا جاساعان بولىپ شىقتى. ساۋديالىق ايەل ءوزىنىڭ مۇنداي ويى بارىن قوساعىنا الدىن الا ايتقان دا كورىنەدى. ءبىراق كۇيەۋى ونىڭ بۇل سوزىنە ونشالىقتى ءمان بەرە قويماپتى. ونىسى بەكەر بولعانىن كەش تۇسىنگەن...
ايەلدىڭ قورقىتۋىنا قاراماستان، تويعا دايىندالىپ جۇرگەن ەر كىسى اقىرى مىناداي شابۋىلعا دۋشار بولعان. كۇيەۋىنىڭ توقال الماي توقتاماسىنا انىق كوزى جەتكەن ايەل سوسىن ءوزىنىڭ قىزعانىشتان تۋعان دولىلىعىن باسا الماي قايراۋلى باكىنى قولعا الىپتى.
تەرگەۋ بارىسىندا ايەلدىڭ كۇيەۋى جاڭا ايەل الماي تۇرىپ، ونى مۇگەدەك ەتىپ تاستاۋعا بەكىنگەنى انىقتالعان.
