قازاقستاننىڭ ۇزدىك بۋحگالتەرى ميلليونەر اتانباق

استانا. قازاقپارات - ق ر قارجى مينيسترلىگىنىڭ «قارجى اكادەمياسى» ا ق «قازاقستان 1С» - ءتىڭ قولداۋىمەن «بۋحگالتەر» كاسىبى بويىنشا ۇزدىك» رەسپۋبليكالىق بايقاۋىن ۇيىمداستىرىپ جاتىر، دەپ حابارلاندى مينيسترلىكتىڭ سايتىنان.

بايقاۋ اعىمداعى جىلدىڭ 5- قاراشاسىنان 12- قاراشاسىنا دەيىن وتەتىنى اتالىپ ءوتىلدى. ءبىرىنشى ورىن يەگەرى 1 ميلليون تەڭگەنى، ەكىنشى ورىن يەسى 500 مىڭ جانە ۇزدىك ۇشتىكتى تۇيىقتاعان ادام 300 مىڭ تەڭگەنى ولجالايدى.

جەڭىمپاز ق ر قارجى مينيسترلىگى جانىنداعى بۋحگالتەرلىك ەسەپ جانە اۋديت ماسەلەلەرى بويىنشا كەڭەس بەرۋ ورگانىنىڭ مۇشەسى بولادى. فينالعا شىققاندارعا ق ر قارجى مينيسترلىگىنىڭ العىس حاتتارى مەن بىلىكتىلىكتى ارتتىرۋ كۋرستارىنا ارنالعان سەرتيفيكاتتار ۇسىنىلادى.

ماراپاتتاۋ ءراسىمى 13- قاراشادا ق ر قارجى مينيسترلىگىنىڭ عيماراتىندا وتەدى.