11:59, 08 - قاراشا 2015 | GMT +5
قازاقستاندىق قىز وق اتۋدان ازيا چەمپيوناتىنىڭ «التىنىن» ەنشىلەدى
استانا. قازاقپارات - ارميانىڭ ورتالىق سپورت كلۋبىنىڭ اسكەري قىزمەتشىلەرى 1-12- قاراشا كۇندەرى ەل-كۋۆەيت (كۋۆەيت) قالاسىندا ءوتىپ جاتقان وق اتۋدان ХІІІ ازيا چەمپيوناتىنا قاتىسۋدا.
50 مەترلىك قاشىقتىقتا «م ۆ-9» جاتتىعۋىندا جاتىپ وق اتۋدان تسسكا كومانداسىنىڭ شتاتتىق سپورتشىسى، سپورت شەبەرى جانەل سەرىكبايەۆا 60 رەت اتىپ، جەكەلەي بىرىنشىلىكتە تايلاند جانە مالايزيا سپورتشىلارىن باسىپ وزىپ، 621,1 ۇپايمەن التىن مەدالدى جەڭىپ الدى، دەپ جازادى Sports.kz.
