وڭتۇستىك قازاقستان وبلىسى - گرەك-ريم كۇرەسىنەن قازاقستان كۋبوگىنىڭ يەگەرى
بيىلعى جىلى كوماندالىق بىرىنشىلىككە 11 ايماق ءوتىنىم بەردى. كوماندالار 3 كىشى توپقا ءبولىندى، ولاردىڭ اراسىنان جارىستىڭ العاشقى كۇنى جۇلدەلى ۇشتىك ۇمىتكەرلەرى انىقتالدى. ناتيجەسىندە ءوز توپتارىندا قاراعاندى، وڭتۇستىك قازاقستان جانە اقتوبە وبلىستارى ۇزدىك دەپ تانىلدى. فينالداعى ءوزارا كەزدەسۋدە وسى ءۇش كوماندا 1-3 ورىنداردى ءبولىستى. وڭتۇستىك قازاقستان وبلىسىنىڭ پالۋاندارى توپتىق كەزەڭدە 2014- جىلعى قازاقستان كۋبوگىنىڭ يەگەرى الماتى وبلىسىنان، سونداي-اق جامبىل جانە قوستاناي كوماندالارىنان كۇشتىرەك بولىپ شىقتى. شەشۋشى كەزەڭدە ولار اقتوبە جانە قاراعاندى وبلىستارىنىڭ كوماندالارىنان باسىم ءتۇستى.
قازاقستان كۋبوگى-2015 قورىتىندىسىندا گرەك-ريم كۇرەسىنەن كوماندالار مىناداي بولىپ ورنالاستى:
1.وڭتۇستىك قازاقستان وبلىسى؛
2.اقتوبە وبلىسى؛
3.قاراعاندى وبلىسى؛
4.الماتى وبلىسى
5.اتىراۋ وبلىسى؛
6.پاۆلودار وبلىسى
7.استانا قالاسى؛
8.قوستاناي وبلىسى؛
9.ماڭعىستاۋ وبلىسى؛
10. الماتى قالاسى؛
11. جامبىل وبلىسى.
بيىلعى جىلى قازاقستان كۋبوگى جاقسىلىق ۇشكەمپىروۆتىڭ وليمپيادا ويىندارىنداعى جەڭىسىنىڭ 35 جىلدىعىنا ارنالعانىن اتاپ وتكەن ءجون. اتاقتى بالۋاندى اقتوبە وبلىسىنىڭ اكىمى بەردىبەك ساپاربايەۆ قۇتتىقتادى. ايماقتىق فەدەراتسيا ارداگەرگە جول تالعامايتىن جاڭا ماشينانىڭ كىلتىن تاپسىردى.
