ارتىندا ىزدەۋشىسى، سۇراۋشىسى بار تۇلعانىڭ ەسىمى ەشقاشاندا كومەسكىلەنبەيدى
«قانداي ۇلى ادام بولماسىن، ارتىندا ىزدەۋشىسى، سۇراۋشىسى بولماسا، ۋاقىت وتە كەلە اتىنىڭ كومەسكىلەنەتىنى بەلگىلى. بۇل - تابيعات زاڭى. ءبىراق، اللاعا شۇكىر، اتانىڭ ەسىمى ءوزى ومىردەن وزسا دا ەشقانداي كومەسكىلەنگەن جوق، قايتا جاڭعىرىپ، جاڭارىپ كەلەدى. اتا جايىندا كىتاپتار جازىلىپ، كوشەلەرگە ەسىمى بەرىلىپ، ەسكەرتكىشتەر قويىلىپ جاتىر. بۇل، حالقىنىڭ نامىسىن تۋ ەتىپ ۇستاعان، التى الاشتىڭ ارداقتىسى اتانعان باتىردىڭ رۋحىنا جاسالىپ جاتقان قۇرمەت. قارا شاڭىراقتىڭ اتىنان بۇگىن مىنا ەسكەرتكىشتىڭ جاسالىپ، ورناتىلۋىنا جان-جاقتان اتسالىسقان ازاماتتارعا العىسىمىزدى بىلدىرەمىز» - دەدى ز. احمەتوۆا.
سونىمەن قاتار، زەينەپ اپا «قازاقپارات» تىلشىسىنە باۋكەنىڭ ەسكەرتكىشى وزىنە قاتتى ۇناعانىن جەتكىزدى.
«ەسكەرتكىش جاسالىپ جاتقان كەزدە، ونىڭ العاشقى نوبايلارى، كەسكىندەرى بىزگە كورسەتىلدى. ءبىز سۋرەتتەردى كورسەتىپ، اقىل-كەڭەسىمىزدى بەرىپ وتىردىق. سوندىقتان بۇل ەسكەرتكىش-ءمۇسىن ماعان وتە ۇنايدى. اتانىڭ ەسكەرتكىشتەرى وسى كەزگە دەيىن باسىنداعى پاپاحاسىمەن بىرگە جاسالىپ كەلدى. ال بۇگىن تۇڭعىش رەت، مىنا مۇسىندە اتامىز جالاڭباس كۇيىندە بەينەلەنگەن. ماعان ۇنادى»، - دەدى ز. احمەتوۆا.
ايتا كەتەلىك، ەسكەرتكىش-ءمۇسىندى ءمۇسىنشى بەكەجان البوسىنوۆ جاساعان.
اۆتور: جاپپاربەرگەن ايبوتا
