تەڭىز تۇبىندە مۇراجاي اشپاق - فوتو

استانا. قازاقپارات - ەگەر جادىگەرلىكتەردى تۋريستەرگە جەتكىزۋ مۇمكىن بولماسا، وندا تۋريستەردى ارتەفاكتىلەرگە جەتكىزۋگە تۋرا كەلەدى.

ەگيپەتتىك الەكساندريا قويناۋىندا سۋ استىندا قالعان كورنەكتى ورىندار جاتقان تەڭىز تۇبىندە بىرەگەي مۇراجاي اشۋدى جوسپارلانۋدا.

وسىناۋ ءورشىل جوبانى جۇزەگە اسىرۋعا 150 ميلليون دوللار جۇمساۋ كوزدەلىپ وتىر. مۇراجاي سۋ استىنداعى التى مەتر تەرەڭدىكتەگى قاراۋ الاڭقايلارىنا اپاراتىن توننەلدەرىمەن ءتورت بيىك عيماراتتاردان تۇراتىن بولادى.

بۇعان قوسا مۇراجايدا تۋريستەردى كورنەكتى ورىندارعا جەتكىزەتىن قابىرعالارى ءمولدىر سۋبمارينالار جۇمىس جاسايتىن بولادى. وسىلايشا، كەلۋشىلەر ەجەلگى دۇنيەنىڭ جەتى كەرەمەتتەرىنىڭ ءبىرى فاروس شامشىراعىنان قالعان جادىگەرلىكتەردى تاماشالاي الادى. سونىمەن قاتار، كلەوپاترا سارايى ۇيىندىلەرىن كورە الادى، وندا سفينكستىڭ ءمۇسىنى ساقتالعان.

الەساندريانىڭ كوپتەگەن قازىنالارى ورتاعاسىرلاردا بولعان جەر سىلكىنىستەرىنىڭ سالدارىنان سۋ تۇبىنە كەتتى. تەڭىز استىندا بارلىعى 2500 باعالى تاس نىساندار جاتىر. ەگەر مۇراجاي سالىناتىن بولسا، بۇل كورنەكتى ورىندارعا ەكىنشى ءومىر سىيلايدى.

مۇراجاي جوباسىن ەگيپەتتىك ەجەلگى ەسكەرتكىشتەر مينيسترلىگىنىڭ تاپسىرىسىمەن فرانسۋز ساۋلەتشىسى جاك رۋجەري جاسادى. باستى پروبلەما الەكسانديا قويناۋىنداعى سۋ وتە لاستانعان، بۇل ارتەفاكتىلەردى قاراۋدى قيىنداتادى جانە ولاردىڭ ءبۇلىنۋىن تەزدەتە تۇسەدى، دەپ اتاپ وتەدى يۋنەسكو.

ەگەر دە قايتكەندە دە، جوبا جۇزەگە اساتىن بولسا، ونى كورۋگە جىلىنا 3 ميلليونعا دەيىن تۋريستەر اعىلادى، دەپ جازادى مويا پلانەتا.