قىتايدىڭ الپاۋىت كومپانيا جۇرگىزۋشىسىز ەلەكتر كولىگىن ويلاپ شىعاردى
ول بەلگىلى ءبىر تاپسىرمالاردى ورىنداۋعا دايىن. كومپانيا قىزمەتكەرىنىڭ ايتۋىنشا، كولىك كىشىگىرىم اۋداندارعا ارنالعان جانە سىناقتان جاقسى وتكەن، دەپ جازادى 24.kz.
ساعاتىنا 35 شاقىرىم جىلدامدىقپەن جۇرە الاتىن تەمىر تۇلپاردىڭ ىشىنە 6 ادام سىيىپ كەتەدى جانە GPS قۇرىلعىسىمەن جابىقتالعان. سوندىقتان ونىڭ وزگە كولىكتەرمەن سوقتىعىسىپ قالۋى مۇمكىن ەمەس. ال كۇننەن الىنعان قۋات كوزى ونىڭ 1 تاۋلىك بويى توقتاۋسىز جۇرۋىنە جەتەدى. ورناتىلعان شاعىن رادارلار الدىنداعى كەدەرگىنى انىقتاپ، توقتاۋىنا اسەر ەتەدى.
سونىمەن قاتار Vanke كومپانياسى روبوت اسپازشىلاردى شىعارۋدى دا قولعا العان. ولار 2017-جىلى قوناق ءۇي اشىپ، ونداعى ادامدار اتقاراتىن قىزمەتتىڭ بارلىعىن روبوتتارعا جۇكتەمەك.
- بولاشاقتا بۇل ماشينالاردى كىشىگىرىم اۋدانداردا پايدالانۋعا بولادى. ادەتتەگى اۆتوكولىكتەرگە قاراعاندا بۇلار قاۋىپسىز. مۇندا جۇرگىزۋشىنىڭ ماۋجىراپ وتىردى نەمەسە ىشىمدىك ءىشىپ الدى دەگەن ماسەلە جوق. سونىمەن قاتار جۇرگىزۋشىگە تولەنەتىن قارجىنى دا ۇنەمدەۋگە بولادى، دەيدى Vanke كومپانياسىنىڭ قىزمەتكەرى جان جينمين.
