كوشى-قون ساياساتىنا قارسى بىرنەشە مىڭداعان ادام قاتىسقان شەرۋ ءوتتى

استانا. قازاقپارات - گەرمانيا استاناسى - بەرلين قالاسىندا قازىرگى بيلىكتىڭ ارەكەتىنە قارسىلار وزدەرىنىڭ ەلگە تولاستاماي اعىلىپ جاتقان ميگرانتتارعا قارسىلىعىن ءبىلدىرۋ ءۇشىن شەرۋگە شىقتى.

بەرلين كوشەلەرىمەن بەس مىڭعا تارتا ادام شەرۋلەتىپ ءوتتى، دەپ حابارلادى شەتەلدىك اقپارات اگەنتتىكتەرى.

جەرگىلىكتى بيلىك مالىمەتتەرى بويىنشا، شەرۋدى نەمىستىڭ «گەرمانيا ءۇشىن بالاما» ەۋروسكەپتيكتەر پارتياسى ۇيىسمداستىرعان. ونىڭ ۇيىمداستىرۋشىسى - «گەرمانيا ءۇشىن بالاما» پارتياسىنان ەۋروپالىق پارلامەنتكە دەپۋتات بەاتريكس فون شتروح قارسىلىق ەڭ الدىمەن گ ف ر ۇكىمەتىنىڭ مۇشەلەرىنە باعىتتالعانىن ايتتى. شەرۋگە شىققاندار «گەرمانيانى قۇتقارۋ كەرەك. انگەلدى توقتاتۋ كەرەك» دەگەن ۇراندار الىپ شىقتى. سونىمەن بىرگە ەل استاناسىندا انگەلا مەركەلدىڭ ارەكەتتەرىن جانە ساياساتىن قولدايتىندار دا شەرۋ ۇيىمداستىردى. ولار ءوز قاتارلارىنا 800 گە تارتا ادامدى جينادى، دەپ حابارلادى «ورەاندا- نوۆوستي».

بۇدان بۇرىن گەرمانيا ءى ءى م 2015-جىلدىڭ باسىنان بەرى كەمىندە 758 مىڭ ادام باسپانا ىزدەپ گەرمانياعا كەلگەنىن حابارلاعان ەدى. وتكەن جىلى كەلگەن ميگرانتتار ءتورت ەسە از بولاتىن. كەلۋشىلەردىڭ ءاربىر ءۇشىنشىسى - سيريا ازاماتتارى. قازان ايىندا عانا 181 مىڭ ميگرانت كەلدى، قىركۇيەكتە بۇل سيفر 20 مىڭداي از بولاتىن. اعىمداعى جىلدىڭ سوڭىنا دەيىن گەرمانياعا كەلەتىن ميگرانتتار سانى ءبىر ميلليون ادامعا جەتۋى مۇمكىن. سونىمەن قاتار ەلگە كەلۋشىلەردىڭ قاتارىندا يراك پەن اۋعانستان ەلدەرىنەن بوسقىندار بار.

بۇدان بۇرىن گ ف ر ۆيتسە-كانتسلەرى زيگمار گابريەل گەرمانيا بىرنەشە جىل بويى جىل سايىن 500 مىڭعا جۋىق ميگرانتتاردى قابىلداۋدى جوسپارلاپ وتىر دەگەن بولاتىن. «ءبىز ءبىر جىلدا جارتى ميلليونداي بوسقىنداردى قابىلداي الامىز دەپ سانايمىن»، - دەگەن بولاتىن ول.

قارسىلىق اكسياسى نەگىزىنەن وقىس وقيعاسىز ءوتتى. جەرگىلىكتى پوليتسيانىڭ مالىمەتىنە قاراعاندا، راديكالدارمەن قاقتىعىستا ءبىر پوليتسەي جاراقات العان.