تاريحي قادام: حالىقارالىق قوعامداستىق شي جينپيڭ مەن تايۆان باسشىسىنىڭ كەزدەسۋىن جوعارى باعالادى
وندا ولار تايۆان بۇعازىنىڭ ەكى جاعالاۋى اراسىنداعى بايلانىستاردى بەيبىت دامىتۋ ماسەلەلەرى بويىنشا پىكىر الماستى، دەپ حابارلادى شينحۋا اگەنتتىگى.
قوعامنىڭ ءارتۇرلى جىكتەرىنىڭ وكىلدەرى، ەتنيكالىق قىتايلىقتار مەن شەتەلدەردەگى قىتاي ەميگرانتتارى تاريحي ماڭىزى زور بۇل كەزدەسۋگە جوعارى باعا بەردى جانە كەزدەسۋ جاعالاۋارالىق قاتىناستاردى بەيبىت دامىتۋعا جاردەمدەسەدى، الەمدە جانە ايماقتا بەيبىتشىلىك پەن تۇراقتىلىققا تەرەڭ ىقپال ەتەدى، دەگەن سەنىمدەرىن ءبىلدىردى.
رەسەيدىڭ RT اقپاراتتىق اگەنتتىگى ەكى جاعالاۋ كوشباسشىلارىنىڭ كەزدەسۋى ءبىر قىتاي پرينتسيپى نەگىزىندە ءوتتى، كەزدەسۋدەگى ماڭىزدى تاقىرىپ ەكى اۋدان اراسىنداعى بايلانىستاردى بەيبىت دامىتۋدى ىنتالاندىرۋ بولدى، دەپ جازدى.
بۇل كوشباسشىلاردىڭ 66 جىل ىشىندەگى العاشقى كەزدەسۋى جانە ونىڭ تاريحي ماڭىزى زور، بۇل تايۆان بۇعازى ەكى جاعالاۋىنىڭ اراسىنداعى بايلانىستاردى دامىتۋدا ماڭىزدى قادام، بۇل ولاردىڭ اراسىنداعى بايلانىستارىنىڭ كەلەشەگىمەن تىعىز بايلانىستى، دەپ اتاپ وتەدى اگەنتتىك
فرانسۋزدىڭ BFM TV جاڭالىقتار تەلەارناسى دا كەزدەسۋدىڭ ماڭىزى زور دەپ سانايدى. فرانس پرەسس اگەنتتىگى شي جينپيڭ مەن ما ينتسزيۋدىڭ قول الىسۋى «تاريحي» وقيعا دەپ حابارلادى.
يندونەزيالىق ساياسي تالداماشى لي چجوحۋەي ەكى جاعالاۋ كوشباسشىلارى ەكى اۋدان اراسىنداعى بايلانىستاردى دامىتۋدىڭ جاڭا پاراعىن اشتى دەپ سانايدى، ول تايۆان بۇعازىنىڭ ەكى جاعالاۋى بىرلەسكەن كۇش-جىگەرىمەن بەيبىت بىرىگۋ جاعىنا قادام باسۋدى جالعاستىرادى دەگەن سەنىمىن ءبىلدىردى.
سونداي-اق اۆستراليا عىلىم اكادەمياسىنىڭ جانە اۆستراليالىق ينجەنەرلىك اكادەميانىڭ اكادەميگى، موناشا ۋنيۆەرسيتەتىنىڭ پرورەكتورى يۋي ايبين، ۆۋدرو ۆيلسون اتىنداعى امەريكان-قىتاي قاتىناستارى بويىنشا حالىقارالىق عىلىم ورتالىعى جانىنداعى گ. كيسسيندجەر ينستيتۋتىنىڭ ديرەكتورى روبەرت دەيلي، قىتاي-فيليپپين ءارتۇرلى قوعامدىق توپتار فەدەراتسياسىنىڭ ءتوراعاسى چيۋي چجۋنجۋن بۇل كەزدەسۋدىڭ تاريحي جىگەرلەندىرۋشى وقيعا ەكەنىن اتاپ كورسەتتى.
