وباما كانادادان مۇناي قۇبىرىن تارتۋدى ماقۇلدامادى
ءوز شەشىمىن تابيعات قورعاۋ قاجەتتىلىگىمەن تۇسىندىرگەن وباما «امەريكا قازىر الەمدىك ليدەرگە اينالدى. ءبىز عالامدىق جىلىنۋمەن تاباندى تۇردە كۇرەسۋدى ماقسات ەتىپ وتىرمىز. ال، شىنتۋايتىن ايتقاندا، بۇل جوبانى ماقۇلداۋ الگىندەي كۇش- جىگەردىڭ زايا كەتكەنىن بىلدىرگەن بولار ەدى» دەگەن. پرەزيدەنت «ازىرشە مۇمكىندىك بولىپ تۇرعاندا پلانەتامىزدى قۇتقارۋ قاجەتتىگىن» ايتقان.
كانادالىق TransCanada كومپانياسىنىڭ ۇزىندىعى ەكى مىڭ شاقىرىمعا جۋىق مۇناي قۇبىرىن تارتۋ جونىندەگى جوباسى كۇشتى ساياسي تارتىس تۋدىرعان ەدى. جوبانى قولداۋشىلار قۇبىر جەلىسىمەن كەلەتىن كانادالىق مۇناي ا ق ش- تا جانارماي باعاسىنىڭ ارزانداتۋعا جانە جاڭادان مىڭداعان جۇمىس ورنىن اشۋعا مۇمكىندىك بەرەتىنىن العا تارتسا، وعان قارسىلار قۇم استىنان مۇناي ءوندىرۋ قورشاعان ورتاعا وراسان نۇقسان كەلتىرىپ، قۇبىر جەلىسىندە اپات بولا قالعان جاعدايدا فەرمەرلىك شارۋاشىلىقتارعا قاۋىپ توندىرەدى دەگەن ءۋاج ايتقان.
ا ق ش كونگرەسى وكىلدەر پالاتاسىنىڭ سپيكەرى پول رايان، ا ق ش- تاعى ءىرى كاسىپوداقتاردىڭ ءبىرىنىڭ وكىلدەرى، TransCanada كومپانياسى اقش پرەزيدەنتىنىڭ بۇل شەشىمىن سىنعا السا، تابيعات قورعاۋمەن اينالىساتىن ءتۇرلى ۇيىمدار باراك وبامانىڭ ۇستانىمىنا قولداۋ بىلدىرگەن.
«ازاتتىق» سايتى
