راۋل كاسترو ءوزىنىڭ وتستاۆكاعا كەتۋ ۋاقىتىن ايتتى

استانا. قازاقپارات - كۋبانىڭ مەمكەڭەسىنىڭ باسشىسى راۋل كاسترو جۇما كۇنى 2018 - جىلدىڭ 24 - اقپانىندا وتستاۆكاعا كەتەتىنىن مالىمدەدى.

كىشى كاسترو (84 جاستا) 2008 - جىلى كۋبا مەملەكەتىنىڭ باسشىسى بولدى، وعان دەيىن ول ءوزىنىڭ ۇلكەن اعاسى فيدەل كاسترو قىزمەتىنەن كەتكەن سوڭ ەكى جىل كۋبا مەملەكەتتىك كەڭەسىنىڭ باسشىسى مىندەتىن اتقاردى، دەپ جازدى ۋترو. رۋ.

 2013 - جىلى كۋبا باسشىسى بولىپ قايتا سايلانعان راۋل كاسترو 2018 - جىلعى سايلاۋدا ءوز كانديداتۋراسىن ۇسىنبايتىنىن ايتتى.

 «مەن بۇل قىزمەتتە كوپ ۋاقىت وتىرىپ كۋبالىقتاردى جالىقتىرعىم كەلمەيدى. وسىعان دەيىن ايتقانىمداي 2018 - جىلى 24 - اقپاندا وتستاۆكاعا كەتەمىن»، - دەدى كاسترو مەكسيكا پرەزيدەنتى ەنريكە پەنيا نەتو ونىڭ قۇرمەتىنە بەرگەن قوناقاسىندا.

كاسترو مەكسيكاعا مەملەكەتتىك ساپارىمەن بارعان بولاتىن.