13:14, 07 - قاراشا 2015 | GMT +5
سيدنەي اسپانىن اسا قورقىنىشتى، ءتۇسى وزگەشە بۇلتتار لەگى جاۋلاپ الدى
استانا. قازاقپارات - جۇما كۇنى سيدنەي تۇرعىندارى تابيعاتتىڭ قىزىق تا قورقىنىشتى قۇبىلىسىنا كۋا بولدى. مۇحيت جاقتان جاعالاۋعا قاراي تۋرا الىپ تولقىنداردى ەلەستەتەتىن بۇلتتار تاسقىنى تۇتاسا ءتونىپ كەلگەن،
دەپ جازادى The Mashable باسىلىمى.
تۇستەن كەيىن قالاعا وڭتۇستىك جاقتان قۇددى تسۋنامي ءتارىزدى بۇلتتار جوڭكىلە كەلىپ، كۇن كۇركىرەپ ءارى نايزاعاي ويناپ، ارتىنشا قارا تۇنەككە اينالعان. كورگەندەردىڭ ايتۋىنشا، وسىناۋ اسپانداعى وزگەشە قۇبىلىستى كەيبىر اۆستراليالىقتار اقىر زامانعا بالاعان دا كورىنەدى.
مۇنىڭ الدىندا مەتەورولوگيالىق قىزمەت سيدنەيدە داۋىلدى ەسكەرتۋ جاريالاماعان. ءبىراق بۇرشاق جاۋىپ، كۇشتى جەل تۇراتىندىعى، سيدنەيدىڭ سولتۇستىك جاعىندا ورنالاسقان اۋدانداردا داۋىل تۇرۋى ىقتيمال ەكەندىگى كەيىننەن بەلگىلى بولعان.
