10:50, 07 - قاراشا 2015 | GMT +5
ايگۇل ەلشىبايەۆا مەيرامبەك بەسپايەۆتىڭ تۋعان كۇنىنە وزگەشە قۇتتىقتاۋ جاسادى - فوتو
استانا. قازاقپارات - ءداستۇرلى ءانشى ايگۇل ەلشىبايەۆا ءوزىنىڭ ينستاگرام جەلىسىندە تانىمال ءانشى مەيرامبەك بەسپايەۆتىڭ تۋعان كۇنىنە وراي ونىڭ 21 جىل بۇرىنعى سۋرەتىن جاريالادى.
«بۇل 1994- جىلىدىڭ كۇزى ەدى. وسىدان 21 جىل بۇرىن بولعان مەيرامبەكتىڭ تۋعان كۇنىنەن ەستەلىك. توبەلەرىندە ماقتامەن جازىلعان 18 جاس دەگەن جازۋ بولاتىن.
ارداق «تىرنالار» ءانىن، مەن ءبىر تەرمەمدى ارناپ ايتتىق. گرافيندە «يۋپي» سۇيىكتى سوگىمىز بولاتىن. كولباسادا حالال دەگەن جازۋ جازىلمايتىن. تۋعان كۇن جاقسى ءوتتى. ول كەزدە، ءتۇبىت مۇرتتارى تەبىندەپ كەلە جاتقان، قازاققا تانىمال دوستارىم، قاراشادا 18 جاسىن تويلاعان ەدى. ۇلان- اسىر توي بولماسا دا، تاماشا تۋعان كۇن بولدى. بيىل 21 جىل تولىپتى، كوڭىل دەگەن قارتايمايتىن كوك دونەنگە ءمىنىپ، تارتا بەرىڭدەر. مەنىڭ كوڭىلىمە وسى بەينەلەرىڭ جاقىن»، - دەيدى ا. ەلشىبايەۆا.
