10:24, 07 - قاراشا 2015 | GMT +5
يسپانيا اۋماعىنا اسپاننان بەيمالىم زات قۇلادى
استانا. قازاقپارات - يسپانياداعى ازاماتتىق گۆاردياعا قاراستى حيميالىق قورعانىس ءبولىمىنىڭ ساربازدارى دابىل بويىنشا كوتەرىلدى، دەپ حابارلايدى 24.kz.
سويتسە، مۋلا قالاسىنداعى اۋدانداردىڭ بىرىنە ديامەترى 1 مەترلىك بەيمالىم زات قۇلاپ ءتۇسىپتى. دوڭگەلەك پىشىندەس زاتتىڭ سالماعى شامامەن 20 كەلى.
حيميكتەردىڭ ايتۋىنشا، بۇل جەردىڭ جاساندى سەرىگىنىڭ قالدىعى بولۋى مۇمكىن. ىستەن شىققان سپۋتنيك ەندى عارىش «قوقىسىنا» اينالعان. ماماندار ونىڭ راديواكتيۆتىلىك نورمالارىنا سايكەس ەكەندىگىن انىقتادى. زاتتان جارىلعىش ەلەمەنتتەر مەن اۋرۋ تۋدىرعىش باكتەريالار تابىلماعان. يسپانيا ايروعارىش ساراپشىلارى «مۇنداي قوقىستى اسپاننان تۇسە قالادى» دەپ كۇتپەگەندەرىن ايتتى. ونىڭ قۇلاۋى سالدارىنان ەشكىم زارداپ شەكككەن جوق، دەپ جازادى eSpanarusa.com.
