ارىقتاعىڭىز كەلسە، شىرىن ءىشىڭىز

استانا. قازاقپارات - بۇگىندە الما شىرىنى ەڭ تانىمال جەمىستى شىرىن ەكەنى راس. بۇل ءدامدى جانە پايدالى شىرىندى قولجەتىمدى باعامەن ەلىمىزدىڭ كەز كەلگەن جەرىنەن ساتىپ الۋعا بولادى.

الما شىرىنىڭ پايداسى ونىڭ قۇرامىندا اعزانىڭ يممۋندى كۇشىن ارتتىراتىن ا، ب جانە س دارۋمەندەرىنىڭ مول بولۋىندا.

 الما شىرىنىنىڭ قۇرامىندا سونىمەن قاتار، بيوتين، پانتوتەن جانە فوليي قىشقىلى بار. سوڭعىسى شاش پەن تىرناقتى قاتايتىپ، جاقسى اسەر ەتەدى. ونىمەن قوسا، الما شىرىنى تەمىر، ماگني جانە فوسفور بىرىككەن مينەرالدى زاتتارعا باي. بۇل كەرەمەت شىرىندى ءجيى ءىشىپ تۇراتىن بولساڭىز، ۇزاق جىلدار بويى ەستە ساقتاۋ مەن ينتەللەكتۋالدى قابىلەتىڭىزگە شاعىمدانبايتىن بولاسىز. بۇل شىرىننىڭ قۇرامىندا مي جاسۋشالارىنىڭ وكسيدانتى كۇيزەلۋىنىڭ الدىن الاتىن ورگانيكالىق زاتتاردىڭ بولۋىمەن تۇسىندىرىلەدى.

الما شىرىنىنداعى تابيعي جەمىس قانتى مەن ورگانيكالىق قىشقىلداردىڭ ارقاسىندا دەنەگە تۇسكەن اۋىرلىقتان اعزا ناتيجەلى ءارى تەز قالپىنا كەلەدى. بۇل شىرىننىڭ قۇرامىنداعى ورگانيكالىق قوسپالار جۇرەك- تامىر جۇيەسىنە پايدالى اسەر ەتەدى.

 ەگەر ءسىزدى اسقازان قىشقىلدىعىنىڭ تومەندەۋى، اۆيتامينوز، قانازدىق، ينفاركتان كەيىنگى قالىپ سىندى ماسەلەلەر تولعاندىراتىن بولسا، وندا قىشقىل الما سۇرپىنان دايىندالاتىن شىرىندى ىشكەنىڭىز ابزال. زات الماسۋدىڭ بۇزىلۋى، اتەروسكلەروز جانە بۋىننىڭ ۇستامالى اۋرۋى كەزىندە دە الما شىرىنىن ءىشۋ پايدالى. ويتكەنى ول تابيعي فيزيولوگيالىق پروتسەسستەردىڭ قالپىنا كەلۋىنە ىقپال ەتەدى. الما شىرىنى ميكروبتارعا قارسى اسەر ەتەتىن كۇشكە يە. سونىمەن قاتار ارتىق تاماق جەۋگە جول بەرمەيدى.

قانت ديابەتىنە شالدىققان ادامدارعا تەك جاسىل الما شىرىنىن ىشۋگە رۇقسات ەتىلەدى. ال ساۋ ادامدارعا ءبىر كۇندە 1 ليتر الما شىرىنىن ىشۋگە بولادى. بۇل شىرىن نەسەپ ايدايتىن جانە ءوت ايدايتىن قۇرال رەتىندە دە پايدالى. اعزانىڭ جالپى تونۋسىن كوتەرىپ، ءشولدى كەرەمەت باسادى. الما شىرىنى قان قۇرامىنداعى حولەستەريندى جانە جۇرەك- تامىر جۇيەسىنىڭ جۇمىسىن قالىپقا كەلتىرۋگە ىقپال ەتەدى.

جاڭا سىعىلعان الما شىرىنى - ارىقتاۋ ءۇشىن تاپتىرمايتىن«ءدارى» . بۇل سۋسىننىڭ 100 گرامىندا شامامەن 50 كيلوكالوريا بولادى. اپتانىڭ ءبىر كۇنىن جەڭىل تاماقتارعا ارناپ، راتسيونىڭىزعا الما شىرىنىن قوسساڭىز، ارتىق سالماقتان قۇتىلىپ قانا قويماي، اعزاڭىزدىڭ جالپى ساۋلىعىن جاقسارتا الاسىز.

ال ىشەك- قارىن جولى اۋىراتىن، اسىرەسە، اۋرۋى اسقىنعان ادامدارعا الما شىرىنىن ىشۋگە تىيىم سالىنادى. سونىمەن قاتار بۇل سۋسىن قاتتى اللەرگيالىق اسەر بەرۋى مۇمكىن. اعزانىڭ شىرىندى جەكەلەي قابىلدامايتىن جاعدايىندا دا ىشپەگەن ابزال، دەپ جازادى anabol.kz.