16:21, 06 - قاراشا 2015 | GMT +5
بەلارۋس پرەزيدەنتىن ۇلىقتاۋ ءراسىمى ءوتتى
استانا. قازاقپارات - الەكساندر لۋكاشەنكو بەلارۋس پرەزيدەنتى لاۋازىمىنا كىرىستى.
ۇلىقتاۋ ءراسىمى تاۋەلسىزدىك سارايىندا ءوتتى، دەپ حابارلادى بەلتا.
بەلارۋس رەسپۋبليكاسىنىڭ كونستيتۋتسياسىنا سايكەس، پرەزيدەنت انت بەرگەننەن كەيىن لاۋازىمىنا كىرىسەدى.
كونستيتۋتسياعا وڭ قولىن قويىپ، الەكساندر لۋكاشەنكو بەلارۋس تىلىندە انت بەردى. ودان ءارى الەكساندر لۋكاشەنكو انت بەرۋ تۋرالى اكتىگە قول قويدى، سودان كەيىن بەلارۋس ورتالىق سايلاۋ جانە رەسپۋبليكالىق رەفەرەندۋمدار وتكىزۋ جونىندەگى كوميسسيانىڭ ءتوراعاسى ليديا ەرموشينا وعان بەلارۋس رەسپۋبليكاسىنىڭ پرەزيدەنتى كۋالىگىن تابىس ەتتى.
يناۋگۋراتسيا ءراسىمى 1 مىڭنان استام شاقىرتىلعان ادامداردىڭ قاتىسۋىمەن ءوتتى، ولاردىڭ ىشىندە لاۋازىمدى تۇلعالار، پالاتا دەپۋتاتتارى، رەسپۋبليكا كەڭەسىنىڭ وكىلدەرى مەن مۇشەلەرى، ءتۇرلى دەڭگەيدەگى باسشىلار، ديپلوماتيالىق كورپۋس وكىلدەرى، شەتەلدىك قوناقتار بار.
