كريشتيانۋ رونالدۋ الەمدەگى ەڭ سەمىز ادامعا جەيدەسىن سىيلادى

استانا. قازاقپارات - پورتۋگاليا ۇلتتىق قۇراماسى مەن مادريدتىك «رەالدىڭ» كوشباسشىسى كريشتيانۋ رونالدۋ الەمدەگى ەڭ سەمىز ادام اندرەس مورەنوعا جەيدەسىن سىيلاپ، وتا الدىندا كوڭىلىن جۇباتتى.

بۇل تۋرالى sport.es باسىلىمى حابارلاپ وتىر.

الەمدەگى ەڭ سەمىز ادام اندرەس مورەنو جاقىندا سالماق تاستاۋ ءۇشىن وتا جاساتاتىنىن حابارلاعان ەدى. 37 جاستاعى مەكسيكا تۇرعىنىنىڭ كوڭىلىن اۋلاۋ ءۇشىن رونالدۋ وعان جەيدەسىن جولدادى.

قازىر اندرەس مورەنانىڭ سالماعى 435 كەلى. ول بۇل دەرتكە كىشكەنتاي كەزىندە شالدىققان. دەنەسىنە جاسالاتىن وتانىڭ ارقاسىندا 100 كەلىدەي سالماقتان ارىلۋدى جوسپارلاپ وتىر، دەپ جازادى massaget.kz.