ب. ساعىنتايەۆ جانە ق ح ر مەملەكەتتىك كەڭەسىنىڭ ۆيتسە-پرەمەرى شەكارا ماڭىنداعى ىنتىماقتاستىق باعدارلاماسىنا قول قويۋ مۇمكىندىگىن تالقىلادى - فوتو

بەيجىڭ. قازاقپارات - بۇگىن بەيجىڭدە ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ ق ح ر مەملەكەتتىك كەڭەسىنىڭ ۆيتسە-پرەمەرى چجان گاوليمەن كەزدەسۋ وتكىزدى.

تاراپتار بەيجىڭدە قىركۇيەكتىڭ باسىندا وتكەن قازاقستان پرەزيدەنتى نۇرسۇلتان نازاربايەۆ پەن ق ح ر ءتوراعاسى شي جينپيڭ كەلىسسوزدەرى كەزىندە قول جەتكىزىلگەن كەلىسىمدەردى جۇزەگە اسىرۋ جايىن تالقىلادى.

باقىتجان ساعىنتايەۆ پەن چجان گاولي 2015-2020-جىلدارعا ارنالعان شەكارا ماڭىنداعى ىنتىماقتاستىق باعدارلاماسىنا قول قويۋ مۇمكىندىگى مەن ق ر مەن ق ح ر اراسىندا ايماقارالىق فورۋم قۇرۋ مۇمكىندىگىن تالقىعا سالدى.

ەكى ەل كوشباسشىلارىنىڭ ەكى جاقتى تاۋار اينالىمى كورسەتكىشىن 2020-جىلعا دەيىن 40 ميلليارد دوللارعا جەتكىزۋ تاپسىرماسىن جۇزەگە اسىرۋ ءۇشىن ق ر پرەمەر-ءمينيسترىنىڭ ءبىرىنشى ورىنباسارى ءوزارا ساۋدا كولەمىن ارتتىرۋ جانە ءتيىستى جول كارتاسىن قابىلداۋ بويىنشا ارنايى جۇمىس توبىن قۇرۋ مۇمكىندىگىن قاراستىرۋدى ۇسىندى.

كەلىسسوزدەر بارىسىندا ساۋدا-ەكونوميكالىق، يندۋستريالىق جانە يننوۆاتسيالىق ىنتىماقتاستىق ماسەلەلەرى، اۋقىمدى كولىك جوبالارى اياسىنداعى ىنتىماقتاستىق، ەنەرگەتيكا، اۋىل شارۋاشىلىعى سالالارىنداعى ىقپالداستىق جونىندە ءسوز بولدى.