09:47, 07 - قاراشا 2015 | GMT +5
ساقشىلار جازاسىن وتەشىلەردىڭ تۇرمەگە ەسىرتكى زاتتارىن قالاي كىرگىزەتىنىن بىلگەندە جاعالارىن ۇستادى
استانا. قازاقپارات - برازيليادا اراگۋاينا قالاسىنداعى باررا- دە- گروتا تۇرمەسىنىڭ باسشىلىعى وسىنداعى جازاسىن وتەپ جاتقاندار ءوز كامەرالارىنا تىيىم سالىنعان زاتتاردى قانداي ادىسپەن اكەلەتىندىكتەرىن بىلگەندە جاعالارىن ۇستادى.
كامەرالاردى باقىلايتىن تۇرمە كۇزەتشىلەرى مونيتوردان قىبىرلايتىن، ءبىراق نە ەكەنى بەلگىسىز كۇدىكتى زاتتى ۇدايى كورەتىن بولعان.
ولار مۇنىڭ كادىمگى تىشقان ەكەندىگىن بىلگەندە تاڭ قالماسقا شارالارى قالمادى. قىلمىسكەرلەر ونىڭ قۇيرىعى مەن اياقتارىنا ارنايى ءجىپ بايلاپ، وعان كوكاين جانە كاننابيس (ەسىرتكى زاتى) سالىنعان پاكەتتى بەكىتەتىن بولعان.
تىشقاندى ۇستاعان كەزدە قۇقىق قورعاۋشىلار ودان ەسىرتكى سالىنعان 50 شاعىن پاكەتتى تاپقان.
