تاعى ءبىر قازاقستاندىق سپورتشى وليمپيادا جولداماسىن جەڭىپ الدى

ورال. قازاقپارات - يندونەزيادا بايداركا مەن كانوەدان ءوتىپ جاتقان ازيا چەمپيوناتىندا باتىسقازاقستاندىق ەسكەكشى الەكسەي دەرگۋنوۆ تابىستى ونەر كورسەتتى.

ب ق و دەنە شىنىقتىرۋ جانە سپورت باسقارماسىنان تۇسكەن مالىمەتكە قاراعاندا، 1 مىڭ مەتر قاشىقتىقتا الەكسەي ەكى ادامدىق قايىقتا ەسكەك ەسۋدەن جەڭىمپاز اتانىپ، الداعى جىلى وتەتىن ريو-دە-جانەيرو وليمپياداسىنىڭ جولداماسىن جەڭىپ الدى. بۇل ا. دەرگۋنوۆتىڭ ەكىنشى وليمپياداسى بولماق. ول 2012-جىلى لوندوندا ونەر كورسەتكەن بولاتىن.

ەسكە سالا كەتەيىك، وسىعان دەيىن تاعى ءبىر باتىس قازاقستاندىق ەسكەكشى اندرەي ەرگۋچيەۆ يتاليانىڭ ميلان قالاسىندا وتكەن الەم چەمپيوناتىندا قازاقستاندىق تورتتىك قۇرامىندا 1 مىڭ مەترلىك قاشىقتىقتا وليمپيادا جولداماسىن ەنشىلەگەن ەدى.

اۆتور: ەلجان ەرالى