قازاقستاندا جىل سايىنعى قوعامعا زور شىعىن اكەلەتىن جول اپاتىنا نەمقۇرايلى قاراۋعا بولمايدى
بۇل ەل ەكونوميكاسىنىڭ 5 پايىزىنا تەڭ. ماجىلىستە وتكەن جيىندا تراسەكا جوباسىنىڭ جەتەكشىسى الان روسس وسىلاي دەپ مالىمدەدى.
ونىڭ ايتۋىنشا، نەگىزىنەن كولىك اپاتىنان وپات بولاتىندار - 15 پەن 44 جاس اراسىنداعى ادامدار. قازاقستاندا ءار 100 مىڭ ادامعا 25 ولىمنەن كەلەدى. سوندىقتان بۇل ستاتيستيكاعا نەمقۇرايلى قاراۋعا بولمايدى. ماسەلەن، جاپونيا 10 جىلدىڭ ىشىندە جول كولىك وقيعالارىنان مەرت بولاتىنداردىڭ قاتارىن 50 پايىزعا دەيىن ازايتا العان. ول ءۇشىن جول ساپاسىنا تولىقتاي اۋديت جاساپ، الەمدىك تاجىريبەنى نەگىزگە الۋ كەرەك. سونداي-اق وتىرىس بارىسىندا وتكەن جىلعى ستاتيستيكالىق مالىمەتتەر دە جاريالاندى. 2014 -جىلى 20378 جول كولىك اپاتى تىركەلىپ، 2585 ادام كوز جۇمعان. وسىنداي دەرەكتەردىڭ كوبەيىپ كەتپەۋى ءۇشىن ءماجىلىس دەپۋتاتتارى قولداعى زاڭناماعا تۇزەتۋ ەنگىزۋدى كوزدەپ وتىر.
الان روسس، «جول ءجۇرىسى قاۋىپسىزدىگى II» تراسەكا جوباسىنىڭ جەتەكشىسى:
- بۇل - ءبىر شەتىنەن ەكونوميكالىق ءارى الەۋمەتتىك ۇلكەن پروبلەما. جىل سايىن 3 مىڭعا جۋىق ادام كوز جۇمسا، 30 مىڭدايى جاراقات الادى. مۇگەدەك بولاتىندارى قانشاما. بيزنەس وكىلدەرى، قوعامدىق قاۋىمداستىق پەن ۇكىمەت مۇشەلەرىنىڭ ءبارىنىڭ باسىن قوسىپ، ورتاق جول تابۋ قاجەت. ارينە ءبىر كۇندە وزگەرىس بولا قويماس. ءبىراق سوعان جەتۋگە بار كۇشىمىزدى سالۋىمىز كەرەك.
