قازاقستاندا بانكتەردىڭ نەسيەنى دوللارمەن بەرۋىنە تىيىم سالىنۋى مۇمكىن
اتالعان قۇجات قازاقستاندا قارىز الۋشى جەكە تۇلعانىڭ ەسەپ شوتىنان اقشانى ءوندىرىپ الۋ قولدا بار نەمەسە تۇسەتىن اقشانىڭ 50 پايىزىنان ارتىق بولماۋىن قاراستىرادى.
«زاڭ جوباسىندا قازاقستان رەسپۋبليكاسىنىڭ 8 -كودەكسىنە جانە 35 زاڭىنا وزگەرىستەر ەنگىزۋ كوزدەلەدى. مىنالار زاڭ جوباسىنىڭ نەگىزگى باعىتتارى: بىرىنشىدەن، بورىشتىق جۇكتەمەنى تومەندەتۋ جانە بانك كورسەتەتىن قىزمەتتەردىڭ ايقىندىلىعىن ارتتىرۋ ارقىلى قارىز الۋشى جەكە تۇلعالاردىڭ قۇقىقتارىن قورعاۋدى كۇشەيتۋ؛ ەكىنشى, قارجى جۇيەسىنىڭ تۇراقتىلىعىن قامتاماسىز ەتۋ؛ ۇشىنشىدەن، كاپيتال نارىقتارىن جانە يسلامدىق قارجىلاندىرۋدى دامىتۋ»، - دەلىنگەن حابارلامادا.
بورىشتىق جۇكتەمەنى تومەندەتۋ ارقىلى قارىز الۋشى جەكە تۇلعالاردىڭ قۇقىقتارىن قورعاۋدى كۇشەيتۋ اياسىندا زاڭ جوباسىندا مىناداي جاڭالىقتار بار: ۆاليۋتامەن كىرىسى جوق جەكە تۇلعاعا شەتەل ۆاليۋتاسىندا يپوتەكالىق قارىزدار بەرۋگە تىيىم سالۋ، تولەمدەردىڭ مەرزىمى بويى ءوتىپ كەتكەن كەزدە بىرىنشى كەزەكتە مەرزىمى وتكەن نەگىزگى بورىشتى جانە سوڭعى كەزەكتە تۇراقسىزدىق ايىبى مەن ايىپپۇلداردى وتەۋ.
«زاڭ جوباسىمەن «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» ق ر سالىق كودەكسىنە جاڭا الىم ءتۇرى - ق ر- دا شەتەلدىك جۇمىس كۇشىن تارتۋعا رۇقسات بەرگەنى جانە ۇزارتقانى ءۇشىن الىمدى ەنگىزۋ بولىمىندە تولىقتىرۋ ەنگىزىلەدى.
«شەتەلدىك جۇمىس كۇشىن تارتۋعا ارنالعان كۆوتا حالىقتىڭ ەكونوميكالىق بەلسەندىلىگى ەسەبىنە ەمەس، سالا بويىنشا قالىپتاساتىن بولادى. قورىتىندى بويىنشا قاي سالادا قاي شەتەلدىك بىلىكتى مامان تارتىلاتىنى بەلگىلى بولادى. جۇمىس بەرۋشىلەرگە رۇسات بەرۋ يدەولوگياسى تولىق قايتا قارالدى. ەندى مۇنداي رۇقسات بەرۋلەر ءۇشىن مەملەكەت بيۋدجەتىنە سالىق الىناتىن بولادى»، - دەدى ق ر دەنساۋلىق ساقتاۋ جانە الەۋمەتتىك دامۋ مينيسترى تامارا دۇيسەنوۆا.
قازاقستانعا كەلگەن شەتەلدىك ماماندار بىلىكتىلىگىنىڭ سايكەستىگى تۋرالى انىقتاما نەگىزىندە 3-اي ىشىندە ءوز بەتىنشە جۇمىسقا ورنالاسۋعا مۇمكىندىك الادى. اتالعان وزگەرتۋلەر 2017 -جىلدىڭ 1 -قاڭتارىنان باستاپ كۇشىنە ەنەدى.
