الماتىداعى «كوكتوبە» تەلەمۇناراسىنىڭ ساۋلەتتىك كەلبەتى الەمدە جوق ۇلگىگە وزگەرەدى
بۇل تۋرالى اكىمدىكتىڭ باسپا ءسوز قىزمەتىنەن حابارلادى.
جوبالاۋشىلار تەلەمۇنارانى جاڭعىرتۋ ارقىلى وعان الەمدە جوق سيپات بەرۋدى ماقسات تۇتىپ وتىر. جوبا جۇزەگە اساتىن بولسا تەلەمۇنارا الماتىنىڭ كەز- كەلگەن نۇكتەسىنەن «مەن مۇندالاپ» كوز تارتاتىن بولادى.
ءبىر ەسكەرەتىن جايت، مۇنارانى جاڭارتۋدى قارجىلاندىرۋ جەرگىلىكتى بيۋدجەتتەن ەمەس، جەكە ينۆەستيتسيا تارتۋ ارقىلى جۇزەگە اسادى.
ماڭىزدى نىساندى جاڭعىرتۋ بارىسىندا مەدياقاسبەت قويىلىپ، الىستان باسقارىلاتىن كومەسكى جارىق بەرىلەدى.
«تەلەمۇنارا كۇندىز ءوزىنىڭ بۇرىنعى كەلبەتىن ساقتايدى، ونىڭ قوندىرعىلارى مۇلدەم بايقالمايدى. ال مەرەكە جانە جەكسەنبى كۇندەرى كەشكى ۋاقىتتا كومەسكى جارىق پەن مەدياقاسبەت ىسكە قوسىلىپ، جارىق كوزىنىڭ سەرپىنى رەتىندە جۇمىس ىستەپ، ءتۇرلى تاقىرىپتىق اقپاراتتاردى كورسەتەدى، ال كۇندەلىكتى جۇمىس كۇندەرى مۋلتي ءتۇرلى-ءتۇستى مول جارىق بەرەتىن بولادى. تەلەمۇناراداعى بارلىق جارىق كوزدەرى الىستان باسقارىلاتىن بولادى»، - دەلىنگەن حابارلامادا.
قۇيىلمالى كومەسكى جارىقتاندىرۋ جۇيەسى مەن پروجەكتورلى كەشەندى جاساۋعا 2 ايعا جۋىق ۋاقىت جۇمسالسا، مەدياقاسبەتتى ورناتۋعا 4 اي قاجەت ەتىلەدى.
اۆتور: گۇلميرا عوسمان-ءالي
