فەيسبۋك الەۋمەتتىك جەلىسىن پايدالانۋشىلاردىڭ سانى ءبىر جارىم ميللياردتان استى
30 -قازانداعى جاعداي بويىنشا اتالعان الەۋمەتتىك جەلىنى پايدالانۋشىلاردىڭ سانى 1,55 ميللياردتان اسىپ وتىر. بۇل تۋرالى كومپانيانىڭ حابارلاماسىنا سىلتەمەمەن BBC حابارلاپ وتىر. بۇل كورسەتكىش اي سايىن ولشەنەدى.
امەريكالىقتار عالامتوردا وتكىزەتىن ۋاقىتىنىڭ 20 پايىزى Facebook پەن Instagram الەۋمەتتىك جەلىلەرىنە جۇمسالادى، دەپ راستاپ وتىر الەۋمەتتىك جەلىنىڭ اكىمشىلىگىنەن. قىركۇيەكتە الەۋمەتتىك جەلىلەرگە كۇن سايىن جۇگىنەتىن موبيلدىك پايدالانۋشىلاردىڭ سانى 27 پايىزعا ءوسىپ، 894 ميلليون ادامدى قۇراعان.
«الداعى ورتاشا جانە ۇزاق مەرزىمدى بولاشاقتا ءبىز Facebook پەن Instagram نىڭ ءبىر-بىرىمەن باسەكەلەس ەمەس دەپ سانايمىز. ءبىز بۇقارالىق اقپارات قۇرالدارىنىڭ باسقا تۇرلەرىمەن باسەكەلەستىك قۇرامىز»، - دەپ مالىمدەدى كومپانيانىڭ باس وپەراتسيالىق ديرەكتورى شەريل ساندبەرگ (Sheryl Sandberg). ونىڭ سوزدەرىن Reuters جازدى.
Facebook كۇنىنە 500 ميلليونعا جۋىق ادامنان قۇرالعان اۋديتوريانىڭ 8 ميلليارد رەت ۆيدەو كورەتىنىن تىركەگەن.
