تەمىر ساريەۆ قىرعىزستاننىڭ پرەمەر- ءمينيسترى بولىپ سايلاندى

استانا. قازاقپارات - قىرعىزستان پارلامەنتى تەمىر ساريەۆتى ەلدىڭ پرەمەر- ءمينيسترى ەتىپ قايتا سايلادى، وسىنداي شەشىم سارسەنبى كۇنى داۋىس بەرۋ قورىتىندىلارى بويىنشا قابىلداندى.

ساريەۆتىڭ كانديداتۋراسى ءۇشىن ەلدىڭ 120 ورىندىق پارلامەنتىنىڭ 118 دەپۋتاتى داۋىس بەردى، دەپ جازادى ر ي ا نوۆوستي.

2010 - جىلدان بەرى پارلامەنتتىك رەسپۋبليكا اتالعان قىرعىز رەسپۋبليكاسى كونستيتۋتسياسىنا سايكەس، ەل پرەمەر- ءمينيسترىنىڭ كانديداتۋراسىن رەسپۋبليكانىڭ جوگوركۋ كەنەشىندەگى كوپشىلىك كواليتسياسىنىڭ (ءبىر پالاتالى پارلامەنت) قاراۋىنا شىعارادى. پرەمەر- مينيستر كواليتسيامەن كەلىسىپ، مينيسترلەر كابينەتىنىڭ قۇرىلىمى مەن قۇرامىن ۇسىنادى.