وليمپيادا چەمپيونى باقىت سارسەكبايەۆ ءوز ايەلىن سوتقا بەردى

استانا. قازاقپارات - وليمپيادا چەمپيونى باقىت سارسەكبايەۆ ءوزىنىڭ بۇرىنعى ايەلىمەن سوتتاسىپ جاتىر.

ەكس-بوكسشى ونى الاياقتىق جاسادى دەپ ايىپتاپ وتىر، - دەپ حابارلايدى  Vesti.kz ءتىلشىسى بوكسشىنىڭ بۇرىنعى ايەلىنىڭ مالىمەتىنە سىلتەمە جاساپ.

سپورتشىنىڭ بۇرىنعى ايەلى ەلۆيرا ەكس-كۇيەۋى سارسەكبايەۆتىڭ ءوز اعاسىمەن سوتتاسىپ جاتقانىنا ەكى جىلدان اسقانىن ايتتى. «(...) ول اجىراسۋعا كەلىسىمىمدى سۇرادى، سول كەزدە ءبىز جالعان تۇردە اجىراسامىز دەپ كەلىستىك، سەبەبى سوت ىستەرى ءۇشىن ونىڭ وكىلى اجىراسقانىمىزدى قالاپتى.

سول ۋاقىتتا مەن ءتورتىنشى بالاما جۇكتى ەدىم، باستاپقىدا بۇل ويىن دۇرىس كورمەگەن ەدىم. ءبىراق ول بىرنەشە رەت ءوتىندى... وسىلاي جاساسام وعان قولداۋ بىلدىرەتىنىمدى ايتتى. باردىق تا اجىراستىق. ول مەنى تاستاپ كەتپەيتىنىن ايتتى. ءبىراق ۋاقىت وتە كەلە ونىڭ ءبىر ايەلمەن كوڭىل قوسىپ جۇرگەنىن ءبىلدىم (ادەل ماكارچۋك -رەد). سوسىن ول جانۇياسىن تاستاپ كەتتى. كەلىپ تۇردى. اقشالاي كومەكتەستى. ەكى ايدا ءبىر، ءۇش ايدا ءبىر كەلىپ تۇردى»، - دەدى ول.

 سونىمەن قاتار، ول باقىت سارسەكبايەۆپەن نەكەدە تۇرعان كەزدەرىندە ءبىر بولمەلى ەكى پاتەر ساتىپ العانىن ايتىپ بەردى. «كەيىن ول ءوز ۇلەسىن بەرۋىمدى سۇرادى. ءبىراق مەن بۇعان كەلىسىم بەرمەدىم. كەلىسىم بەرسەم، ءۇش بالاممەن دالادا قالار ەدىم»، - دەيدى بوكسشىنىڭ بۇرىنعى ايەلى.

ونىڭ ايتۋىنشا، سپورتشى اعاسىمەن سوتتاسىپ جاتقاندا ول مۇلكىن ءوز اتىنان شىعارىپ تاستادى. (...) ءوز ۇلەسىن جازىپ بەرۋىمدى سۇرادى، سەبەبى وعان ۇلكەن سومادا قاراجات كەرەك بولدى. ءۇيدى ساتقىسى كەلدى. وعان كەلىسىم بەرمەدىم. سوڭىندا مەنىڭ اتىما كولىك ساتىپ الىندى. ناۋرىز ايىندا ول كەلىپ تۇرادى دەگەن كەلىسىمگە كەلدىك... بۇل اداممەن ءومىر سۇرمەيمىز دەپ شەشتىك. داۋ دا بولدى، قول دا كوتەردى. بارلىعىنا دالەلىم بار. بارلىعى بولدى. ناۋرىز ايىندا ول ءبىر بولمەلى پاتەرلەردىڭ ۇلەسىن بەرىپ، بالالارىممەن ءبىر بولمەلى ۇيگە شىعارىپ سالدى. ەكەۋمىز ول ماعان اليمەنت تولەمەي، اقشالاي كومەكتەسىپ تۇرادى دەگەن اۋىزشا كەلىسىمگە كەلدىك»، - دەدى ايەل.

الايدا، ونىڭ ايتۋىنشا، ناۋرىز ايىنان تامىزعا دەيىن بوكسشى ەشتەڭە تولەمەگەن. «(...) بالالارىمنىڭ ءۇش بولمەلى پاتەرگە اۋىسقانىن قالايمىن، 40 شارشى مەتر ۇيدە تۇرعانىن قالامايمىن. وعان ءبىر بولمەلى پاتەر مەن كولىكتى بەرۋگە دايىنمىن. ماعان كەرەك ەمەس. باستىسى بالالارىم جاقسى جاعدايدا ءومىر ءسۇرسىن. ول بۇعان كەلىسپەدى. مەنى سوتقا بەردى. الاياقتىق جاسادى دەپ اۋداندىق ىشكى ىستەر بولىمىنە باردى. ونىڭ ايتۋىنشا، مەن ونىڭ ۇيىنە الداپ بارىپ، قىسقى دوڭگەلەكتەرىن الىپ كەتىپپىن. (...) دوڭگەلەكتەرىن قايتارۋىمدى تالاپ ەتىپ جاتىر، ال مەن بالالارىمدى بالاباقشا مەن مەكتەپكە اپارىپ ءجۇرمىن. نەمەسە 300 مىڭ تەڭگە كولەمىندە شىعىنىن وتەۋىم كەرەك ەكەن. سوسىن وسى كولىكتى العىسى كەلىپ، الماتىلىق سوتقا ارىزداندى»، - دەدى بوكسشىنىڭ بۇرىنعى ايەلى. ونىڭ ايتۋىنشا، ونىڭ بۇرىنعى كۇيەۋى كولىكتىڭ 50 پايىز قۇنىن وتەپ العىسى كەلەدى ەكەن.

ەسكە سالايىق، بەيجىڭ وليمپياداسىنىڭ چەمپيونى باقىت سارسەكبايەۆ ءوز باپكەرى كارىم ماحمۇدوۆتان سوت ارقىلى پاتەرىن تارتىپ العان ەدى. كەيىن سپورتشىنىڭ اناسى وتباسىلىق كيكىلجىڭدەردى ۇيىمداستىرۋىن قويۋىن سۇرادى. ءوز سپورت مانساپ جولىندا باقىت سارسەكبايەۆ ازيا چەمپيوناتىن ءۇش مارتە جەڭىپ الدى، ازيا ويىندارىنىڭ جەڭىمپازى اتاندى. ال 2008-جىلى جازعى وليمپيادا ويىندارىندا قازاقستان قورجىنىنا ەكى التىن مەدالدىڭ ءبىرىن سالىپ بەرگەن بولاتىن.