عارىشكەر ايدىن ايىمبەتوۆكە وسكەمەندە وتاندىق كولىك سىيعا تارتىلدى - فوتو
عارىشكەر، ق ر اسكەري- اۋە كۇشتەرى پولكوۆنيگىمەن ءوڭىر اكىمى دانيال احمەتوۆ كەزدەستى. اڭگىمەلەسۋ بارىسىندا ايدىن ايىمبەتوۆ قازاقستاندىق جانە رەسەيلىك عالىمدار ازىرلەگەن عارىش باعدارلاماسىن تولىقتاي ورىنداعانى جايلى ايتىپ بەردى.
«ەل پرەزيدەنتى نۇرسۇلتان ءابىش ۇلى نازاربايەۆپەن كەزدەسۋدە ءوزىمنىڭ عارىشتىق باعدارلامامدى قالاي ورىنداعانىمدى بايانداپ بەردىم. پرەزيدەنت قازاقستاننىڭ عارىش قىزمەتى ودان ءارى دامي تۇسەتىنىنە سەنىم ءبىلدىردى. تاعى دا ەل پرەزيدەنتىنە ەرەكشە العىسىمدى بىلدىرگىم كەلەدى. بۇل ۇشىرۋ ەلباسىمىزدىڭ شەشىمى مەن ەرەكشە قولداۋىنىڭ ارقاسىندا مۇمكىن بولدى. سوڭعى ۇشىرىلىمنان بەرى 14 جىل ءوتىپتى»، - دەدى ا. ايىمبەتوۆ.
د. احمەتوۆ شىعىس قازاقستان جايلى، وڭىردە وندىرىلەتىن ونىمدەر جايلى ءسوز ەتتى. باسىم جوبالاردىڭ ىشىندە قۋاتى جىلىنا 120 مىڭ كولىكتى قۇرايتىن رەسپۋبليكاداعى ءىرى اۆتوموبيل ءوندىرىسى - «ازيا اۆتو قازاقستان» ا ق- نى اتادى.
شىعىس قازاقستاندىقتار اتىنان ايدىن ايىمبەتوۆكە اكىم «SKODA Superb» كولىگىنىڭ كىلتىن تابىس ەتتى.
«بۇل سىزگە ءوڭىرىمىزدىڭ اتىنان عارىشتاعى ەرلىگىڭىزگە ريزاشىلىق رەتىندەگى سىيلىعىمىز بولسىن» - دەدى اكىم.
«بيپەك اۆتو- ازيا اۆتو» ا ق باسقارماسىنىڭ ءتوراعاسى اناتولي بالۋشكين كولىك سەرتيفيكاتىن تابىس ەتكەن سوڭ ا. ايىمبەتوۆتى ءوز وتانىمىزدا قۇراستىرىلعان پرەميۋم- كلاستى كولىكتىڭ رولىنە وتىرىپ، جۇرگىزىپ كورۋدى ۇسىندى.
ايدىن ايىمبەتوۆ سونداي- اق د. سەرىكبايەۆ اتىنداعى ش ق م ت ۋ - تەحنيكالىق جوعارى وقۋ ورنىنىڭ ستۋدەنتتەرىمەن، قالا جۇرتشىلىعىمەن، ارداگەرلەرمەن كەزدەستى. كەزدەسۋدەن كەيىن «تورپەدونىڭ» ءوز ارەناسىندا وتكەن حوككەي ويىنىن تاماشالاۋعا باردى.
5 - قاراشادا قازاقستاندىق عارىشكەر ا. ايىمبەتوۆ سەمەيدە ستۋدەنتتەرمەن كەزدەسەدى، قالاداعى مۇراجاي- قورىقتاردى ارالاپ، اباي مەموريالىنا بارادى.
قازاقپارات حابارلاعانداي، عارىشكەر ا. ايىمبەتوۆ 2015 - جىلعى 2 - قىركۇيەكتە حالىقارالىق ەكيپاج قۇرامىندا «سويۋز ت م- ا» عارىش كەمەسىنىڭ ەكىنشى بورت ينجەنەرى رەتىندە ۇشقان بولاتىن. ۇشىرىلىم 10 كۇنگە سوزىلدى.
بورتتا عارىشكەر 10 نان استام عىلىمي- زەرتتەۋ تاجىريبەسىن جۇرگىزگەن.
زەرتتەۋلەردىڭ نەگىزگى باعىتتارى - عارىش مونيتورينگى: ەكولوگيالىق جاعدايدى، اتاپ ايتقاندا، ارال مەن كاسپي تەڭىزىنىڭ جاي- كۇيىن، شاڭدى داۋىلدىڭ باعىتتارىن باقىلاۋ، مۇنايمەن لاستانۋى پروبلەمالارى بولدى.
بۇدان باسقا، بيوتەحنولوگيا مەن بيومەديتسينا سالاسىندا زەرتتەۋلەر جۇرگىزىلدى - عارىشقا ۇشۋدىڭ عارىشكەرگە اسەرى زەرتتەلدى.
