ۇلى بريتانيادا استانا حالىقارالىق قارجى ورتالىعى جاعدايىندا بريتاندىق تاجىريبەنى ەنگىزۋ ماسەلەلەرى تالقىلاندى
ۇلى بريتانيا ءى ءى م- ءنىڭ حالىقارالىق قۇقىقتىق كومەك سۇراتۋلاردى ورىنداۋ ءبولىمىنىڭ (ورتالىق زاڭ قىزمەتى) باسشىسى فيلومەنا كرەففيلدپەن سۇحباتتاسۋشىلار تەرروريزم مەن ەكسترەميزمگە، ترانس ۇلتتىق ۇيىمداسقان قىلمىسقا، كيبەرقىلمىسقا قارسى كۇرەستە، اقپاراتتىق قاۋىپسىزدىكتى قامتاماسىز ەتۋدە ءوزارا پراكتيكالىق ارەكەتتەسۋدى نىعايتۋدىڭ قاجەتتىلىگىن ەرەكشە اتاپ ءوتتى.
باس پروكۋراتۋرانىڭ باسپا ءسوز قىزمەتىنىڭ حابارلاۋىنشا، وسى كۇندەرى قول قويىلعان قازاقستان رەسپۋبليكاسى جانە ۇلى بريتانيا مەن سولتۇستىك يرلانديانىڭ بىرىككەن كورولدىگى اراسىنداعى قىلمىستىق ىستەر بويىنشا ءوزارا قۇقىقتىق كومەك كورسەتۋ تۋرالى شارت ەكىجاقتى قۇقىقتىق ىنتىماقتاستىقتى جاڭا دەڭگەيگە شىعاراتىنى اتاپ كورسەتىلدى.
قازاقستان باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىنىڭ اشىلۋى، كادرلاردى وقىتۋ سالاسىنداعى ىنتىماقتاستىق پەن اقپارات الماسۋ تاقىرىبى دا سۇحباتتىڭ وزەكتى تاقىرىبىنا اينالدى.
ساپار سوڭىندا باس پروكۋرور ۇلى بريتانيانىڭ كورنەكتى مەملەكەتتىك قايراتكەرى بارونەسسا پاتريتسييا سكوتلاندپەن كەزدەسۋ وتكىزدى.
ا. داۋىلبايەۆ بارونەسساعا قازاقستاندىق پروكۋراتۋرا ورگاندارىنىڭ قىزمەتى، ازاماتتىق جانە قىلمىستىق زاڭنامالاردىڭ، ەلىمىزدىڭ قۇقىق قورعاۋ ورگاندارىنىڭ رەفورمالارى، سونداي- اق ادام قۇقىقتارىن قورعاۋ سالاسىندا مەملەكەت قابىلداپ وتىرعان شارالار جونىندە اقپارات بەردى.
بارونەسسا سكوتلاند قازاقستاندى قىلمىستىق ىستەر بويىنشا ءوزارا قۇقىقتىق كومەك كورسەتۋ تۋرالى شارتقا قول قويۋىمەن قۇتتىقتاپ، مەملەكەتتىڭ الەمدىك قۇقىقتىق قاۋىمداستىققا بەلسەندى ينتەگراتسيالانۋ جونىندەگى مەملەكەتتىڭ اعىمداعى ساياساتىنا قولداۋ كورسەتتى.
سۇحباتتاسۋشىلار استانا حالىقارالىق قارجى ورتالىعى جاعدايىندا ينۆەستيتسيالىق داۋلاردا مەملەكەت مۇددەلەرىن قورعاۋدىڭ بريتاندىق تاجىريبەسىن ەنگىزۋ ماسەلەلەرىن تالقىلادى.
سۇحباتتاسۋ قورىتىندىسىمەن كورولدىكتىڭ زاڭگەرلىك كەڭەسشىسى بولىپ تابىلاتىن بارونەسسا اعىلشىن قۇقىعى جاعدايىندا ينۆەستورلاردىڭ مۇددەلەرى مەن قۇقىقتارىن قورعاۋدىڭ الدىڭعى قاتارلى تاجىريبەسىن الماسۋعا كونسۋلتاتيۆتىك قولداۋ كورسەتۋگە ازىرلىگىن ءبىلدىردى.
