استانادا «شابىت» فەستيۆالى قاتىسۋشىلارىنىڭ كونكۋرستىق سايىستارى باستالدى - فوتو
بۇل كۇنى تاۋەلسىزدىك سارايىندا العاش رەت فەستيۆالگە ەنگىزىلىپ وتىرعان سپورتتىق بال ءبيى اتالىمى بويىنشا سايىسكەرلەر ءوز ونەرلەرىن كورسەتتى.
«بيىلعى جىلى بۇل اتالىم بويىنشا ون ءتورت جۇپ ونەر كورسەتۋدە. ءبىراق، وزگە ەلدەردىڭ ونەرپازدارى بۇل فەستيۆالگە قاتىسۋعا نيەت بىلدىرۋدە، - دەيدى ق ر سپورتتىق بال ءبيى فەدەراتسياسىنىڭ پرەزيدەنتى ءاليا تۇسىپبەكوۆا. - بيىل جارىسقا قازاقستان، وزبەكستان، پولشا جانە رەسەي سەكىلدى ءتورت ەلدىڭ ۇمىتكەرلەرى قاتىسۋدا. بۇگىن ەۋروپالىق، ال ەرتەڭ لاتىنامەريكالىق باعدارلامانى بيلەيدى».
ايزات جانە ەلينا «شابىت» فەستيۆالىنە قاراعاندىدان كەلىپ وتىر. ولار بىرگە ەكى جىل كولەمىندە ونەر كورسەتىپ ءجۇر.
«ءبىز ءۇشىن «شابىت» ءوزىمىزدى تەكسەرۋگە ارنالعان الاڭ ىسپەتتى. مۇندا مىقتى جۇپتار قاتىسۋدا، ءبىز دە ءوز كۇشىمىزگە سەنەمىز»، - دەيدى ولار.
ەسكە سالايىق، بيىلعى جىلى فەستيۆالدىڭ قازىلار القاسى مۇشەلەرىنىڭ سانى ايتارلىقتاي ءوستى، قازىلار قۇرامىنا يتاليا، گەرمانيا، وزبەكستان، رەسەي، بەلارۋس، يزرايل ەلدەرىنىڭ ونەر يەلەرى مەن تانىمال جۇلدىزدارى قوسىلدى.
«شابىت» XVIII حالىقارالىق شىعارماشىلىق جاستار فەستيۆالىنىڭ سالتاناتتى اشىلۋىندا استانا قالاسى اكىمىنىڭ ورىنباسارى ەرمەك امانشايەۆ، زيالى قاۋىم وكىلدەرى، ەسترادا جانە كلاسسيكا ونەرىنىڭ جۇلدىزدارى قاتىستى. كەشتە «سلاۆيان بازارى-2015» فەستيۆالىنىڭ جۇلدەگەرى ديماش قۇدايبەرگەن، قايرات باەكەنوۆ جانە «فورمات» توبى، رامازان ستامعازيەۆ، تولقىن زابيروۆا جانە وزگە دە ارتىستەر ءوز ونەرلەرىن كورسەتتى.
